მაღალი თანამდებობის პირის მხრიდან, შეურაცხყოფისა და სიძულვილის ენის გამოყენების ფაქტი გააპროტესტეს დღეს ჟურნალისტებმა. ონლაინგამოცემა “ბათუმელების” სოლიდარობის ნიშნად, სხვადასხვა მედიასაშუალების წარმომადგენლები ევროპის მოედანზე შეიკრიბნენ. ჟურნალისტებმა, პროტესტის ამ ფორმით, ხელვაჩაურის მერის საქციელი დაგმენ
ევროპის მოედანზე, ჟურნალისტები ისევ სოლიდარობის ნიშნად შევიკრიბეთ. დღეს კიდევ ერთხელ მოგვიწია ხმამაღლა საუბარი იმაზე, რაც წესით აქსიომაა, რომ საჯარო მოხელეს, მით უფრო მაღალი თანამდებობის პირს, სხვა ეთიკური სტანდარტების დაცვა მოეთხოვება. კიდევ ერთხელ გავხდით იძულებული, საზოგადოებისთვის გვეჩვენებინა, რა დამოკიდებულება აქვს ოცნების ხელისუფლებას მედიის მიმართ.
მხარდამჭერ აქციაზე, სამოქალაქო აქტივისტებიც იმყოფებოდნენ. ყველა ერთხმად თანხმდება, რომ ჯუმბერ ვარდმანიძემ პასუხი თანამდებობის დატოვებით უნდა აგოს, რომ ეს უკანასკნელი ფაქტი და შედეგი საბოლოოდ გახდეს სხვებისთვის მაგალითი.
ევროპის მოედანზე გამართულ აქციას მესამე სექტორის წარმომადგენლებიც შეუერთდნენ. ამბობენ, რომ ახლა პასუხისმგებლობა ხელვაჩაურის საკრებულომ უნდა აიღოს.
მიუხედავად იმისა, რომ მუნიციპალიტეტის მერის მიერ ჟურნალისტის გინების ჩანაწერი გუშინ გავრცელდა, მმართველი გუნდიდან, შეფასება არცერთ რგოლში გაკეთებულა.
36
s
s
s