ხმაური და სიტყვიერი დაპირისპირება ხელვაჩაურის მერიაში. მუნიციპალიტეტში, თითქმის მთელი დღის განმავლობაში მდგომარეობა უკიდურესად დაძაბული იყო. ჯუმბერ ვარდმანიძის გადადგომას, სოფელ ჯოჭოში მეწყრის შედეგად დაზარალებული ოჯახის წევრები ითხოვდნენ. ითხოვდნენ იმ გეოლოგების პასუხისმგებლობის დაყენებასაც, რომლებმაც დასკვნაში დაწერეს, რომ ტერიტორია საცხოვრებლად უსაფრთხო იყო. სალომე უსტალიშვილი ამზადებს რეპორტაჟს, რომელსაც მთავარ გამოშვებაში ნახავთ.
პროტესტი დღეს უშდეგოდ დასრულდა. ჯუმბერ ვარდმანიძე ჯერ კიდევ ხელვაჩაურის მერია. ვერც კაბინეტში და ვერც მისი წასვლის შემდეგ, დაღუპული თედორაძეების ოჯახის წევრებმა იგი ვერ აიძულეს, დაკავებული თანამდებობიდან გადამდგარიყო. საპროტესტო აქცია, ხელვაჩაურის მერიაში ხვალ ისევ განახლდება.
მეწყრის შედეგად დახოცილი ოჯახის წევრებმა ჯუმბერ ვარდმანიძეს ერთადერთი მოთხოვნით მიაკითხეს - გადადგეს თანამდებობიდან. ამას საკუთარ კაბინეტში, სამი საათის განმავლობაში აიძულებდნენ, თუმცა ბოლოს მერმა მოულოდნელად განაცხადა, რომ კაბინეტს ტოვებდა და მიდიოდა.
წინააღმდეგობის მიუხედავად, მისი შეჩერება ვერც ეზოში შეძლეს. ტერიტორია თანამშრომლების დახმარებით, მანქანით დატოვა.
მეწყერში, ცოცხლად დამარხული ოჯახის წევრები მოითხოვენ, პასუხისგებაშ მიეცენ ის გეოლოგებიც, რომლებმაც მათი რწმუნებით, დასკვნაში დაწერეს, რომ დამეწყრილი ტერიტორია საცხოვრებლად უსაფრთხო იყო.
როგორც გასულ კვირას, ჯუმბერ ვარდმანიძე დღესაც ირწმუნება, რომ ხელვაჩაურის მერიის არქივში, დაღუპული ოჯახისგან შესული არცერთი კორესპოდენცია ინახება.
ჯუმბერ ვარდმანიძე და მასთან ერთად მყოფი თანამშრომლები აქციის მონაწილეების და ჟურნალისტების მიმართ დღესაც არანაკლებ აგრესიულები იყვნენ.
აქციის მონაწილეები კიდევ უფრო გააღიზიანა მერის კაბინეტში ორგანიზაცია - "მონიტორინგის ჯგუფი"-ს გამოჩენამ. მერაბ ღოღობერიძე ჯუმბერ ვარდმანიძეს მიემხრო და დაზარალებული ოჯახის წევრებს ბრალი დასდო, თითქოს ისინი მერთან პოლიტიკური განცხადებების გასაკეთებლად მივიდნენ.
მიწის მასის ქვეშ მოყოლი ოჯახის წევრები მასშტაბური აქციების შეწყვეტას იმ დრომდე არ აპირებენ, ვიდრე ჯუმბერ ვარდმანიძე თანამდებობას არ დატოვებს.
4
s
s
s