19, ოქტომბერი 2020 17:19:00
ცხელების ცენტრებში, კოვიდ სასტუმროებში თუ თვითიზოლაციაში მყოფ პირებს, კენჭისყრის დღეს, სპეციალურად შექმნილი კომისიის წევრები მოემსახურებიან. სურვილის შემთხვევაში, ჯგუფები მათთან გადასატანი ყუთებით მივლენ. ცესკო-ს სპეციალური პროტოკოლის მიხედვით, მუნიციპალიტეტებში, საოლქო საარჩევნო კომისიების მოქმედების საზღვრებში, უნდა შეიქმნას არანაკლებ ერთი საარჩევნო უბანი, რომელიც სწორედ სპეციალური ჯგუფით იქნება დაკომპლექტებული. ანა მიქელაძის განმარტებით, სპეციალური ჯგუფის თითოეული წევრი, აღჭურვილი იქნება შესაბამისი ეკიპირებით. რაც შეეხება ხმების დათვლის პროცესს, ბიულეტენებს გახსნიან ასევე, სპეციალურად შექმნილ საარჩევნო უბნებში. ცესკო-ს თავმჯდომარის განმარტებით, სრულ პროცესზე დაკვირვება შეეძლებათ როგორც მედიის, ისე საარჩევნო სუბიექტების წარმომადგენლებს და სხვა დამკვირვებელბს.