22, ოქტომბერი 2020 20:24:00
ვირუსი სახელად „კორონა“, რომელსაც მსოფლიო თითქმის ერთი წელია ებრძვის. კოვიდ 19-ის სამართავად ჯანმომ რამდენიმე ძირითადი რეკომენდაცია გამოსცა, რომლის დაცვა პირდაპირი მნიშვნელობით, ყველა ჩვენისთვის სასიცოცხლოდ მნიშვნელოვანია. მათ შორისაა, ნიღაბი, დისტანცია და ხელების ჰიგიენა. ქართული ჯანდაცვის სისტემა , რომელიც ვირუსთან ბრძოლის შედეგებით თავს იწონებს, ბოლო რამდენიმე თვეა მოგვიწოდებს, დავივიწყოთ ქართული, თბილი მისალმების წესები და არ ჩავეხუტოთ ერთმანეთს. ის, ვინც პროტოკოლის დაცვის აუცილებლობაზე აქტიურად გვესაუბრება, (ვგულისხმობ პოლიტიკუჯრი წრეების წარმომადგენლებს) ხშირად თავად ავიწყდება ხოლმე რეკომენდაციების მნიშვნელობა. ჩვენი დაკვირვებიდან გამომდინარე, მაჟორიტარები საარჩევნო კამპანიას სოციალური დისტანციის დაცვის და პირბადის გარეშე აწარმოებენ.