31, ოქტომბერი 2020 10:15:00
"არანაირი რევანში არ იქნება, არანაირი ანგარიშსწორება არ იქნება, თუ არჩევნების დღეს მოიქცევით ისე, როგორც დემოკრატიულ სახელმწიფოში უნდა იქცეოდნენ მაღალი თანამდებობის პირები." - განაცხადა ნიკა მელიამ
"ერთიანი ნაციონალური მოძრაობის" წევრმა, მმართველი გუნდის წარმომადგენლებს მიმართა, რომ ხელისუფლებაში რევანშისთვის არ მოდის და ბევრ ადამიანს ბევრი რამ შეიძლება, ეპატიოს.
"მე შემიძლია გითხრათ ჩემი გუნდის სახელით, რომ თუ არ გაქვთ უმძიმესი დანაშაულები ჩადენილი, ყველა ადამიანს ძალიან ბევრი რამ ეპატიება, რადგან რევანშის დრო ნამდვილად არ გვაქვს, ჩვენ არ მოვდივართ ხელისუფლებაში იმისთვის, რომ ვიღაცას ვსდიოთ - დასაჭერად, დასაკავებლად, ანგარიშსწორებისთვის. ამისთვის არც დრო გვაქვს, არც ხალისი, ამისთვის ჩვენ არ გვიბრძოლია.
უბრალოდ, გამონაკლისი იქნება ვინ და რა შემთხვევა - კონკრეტულად არჩევნების დღეს ადამიანი თუ ეცდება არჩევნების გაყალბებას რომელიმე ცალკე აღებულ საარჩევნო უბანზე და იგი იქნება მხილებული, ამ შემთხვევაში ამ ადამიანს ვერც ქართველი ხალხის რისხვა აცდება და ვერც მართლმსაჯულების სუსხიანი ხელი“, - განაცხადა მელიამ.