21, ივნისი 2017 20:11:00
ბათუმის მერიასა და სუვენირებით მოვაჭრეებს შორის ხელშეკრულების გაფორმების ვადამ კიდევ რამდენიმე დღით გადაიწია. მიზეზი შესაბამის დადგენილებაში დაგეგმილი ცვლილებაა, რომელიც მომდევნო საკრებულოს სხდომაზე უნდა დამტკიცდეს. გაითავლისწინებს თუ არა თვითმმართველი ორგანო მოვაჭრეების მოთხოვნებს, სწორედ აღნიშნული ცვლილების შემდეგ გაირკვევა. სუვენირების რეალიზატორები დღეს მერიასთან შეიკრიბნენ და მშვიდობიანი აქცია გამართეს. ისინი ჯიხურების რაოდენობის დამატებას და ობიქტების განთავსების ადგილების შეცვლას ითხოვენ.