ნაძვის ხე ერთ-ერთი მთავარი საახალწო ატრიბუტია, რომლის მორთვაზეც ოჯახები იმაზე ბევრად ადრე იწყებენ ზრუნვას, ვიდრე- საახალწლო საჩუქრებზე თუ საახალწლო სუფრაზე. ეს ის ტრადიციაა, რომელიც არასოდეს ირღვევა და რომელიც მსოფლიოს თითქმის ყველა ქვეყანას აერთიანებს. ახალი წლის ნაძვის ხით აღნიშვნა მე-16 საუკუნეში, გერმანიაში იღებს სათავეს. თავად ნაძვი კი სიმბოლურ მცენარედ მე-18, მე-19 საუკუნეში იქცა. დროთა განმავლობაში მისი გაფორმება და საზეიმოდ მორთვა დაიწყეს. რიტუალი მიანიშნებდა, რომ ბუნება არ კვდება და ხეები ისევ აყვავდებიან. ეკლესიამ კი მარადმწვანე მცენარე მარადიული სიცოცხლის სიმბოლოდ მიიჩნია.
დროთა განმავლობაში მორთული ნაძვის ხის დადგმის ტრადიაცია ოჯახის საზღვრებს გასცდა. დღეს მას ქალაქისა და მუნიციპალიტეტების ცენტრებშიც დგამენ. ტრადიციას აჭარაში წელს შეუერთდა ქედის გამგეობა. თუ კი აქამდე გამგეობის ეზოში არსებული ნაძვის ხე ირთვებოდა, წელს თანხები არ დაიშურეს და რვამეტრიანი ნაძვის ხის შესაძენად 14 840 ლარი დახარჯეს.
ტრადიცია არ დაარღვია ხელვაჩაურის მუნიციპალიტეტმა. ხელმძღვანელობამ წელსაც ცოცხალი ხე მორთო, ისევ - ძველი სათამაშოებით.
განსაკუთრებული მოლოდინი იყო ბათუმში. ქალაქის მერიამ წელს ახალი დეკორაცია შეიძინა. 22 მეტრის სიმაღლის ნაძვის ხე, რომლის შეძენასა და მორთვაზე 256 730 ლარი დაიხარჯა, შობის ღამეს, 25 დეკემბერს აინთო. მას 840 ფერადი ბურთულა და 180 ბაფთა ამშვენებს.
ნაძვის ხის მოსართავად თავი არც ქობულეთის გამგეობამ დაზოგა, თუმცა ქალაქის ცენტრალური ნაძვის ხე, არც მეტი არც ნაკლები, შუა ქუჩაზე დადგეს, იქ სადაც აქტიური საავტომობილო მოძრაობა იყო. ნაძვიხ ხე ისევ ძველია, ისევ - საკმაოდ უცნაური და სამი წლის წინ შეძენილი.
ნაძვის ხე მოურთო საკუთარ მოსახლეობას შუახევისა და ხულოს გამგეობებმაც. შუახევის მუნიციპალიტეტმა გასულ წელს შეძენილი 7 მეტრიანი ნაძვი დადგა, ხოლოში კი გასულ წელს 26 499 ლარად შეძენილი ნაძვი გააფორმეს. წელს ახალი არაფერი შეუძენიათ.
ბათუმში, ევროპის მოედნის გარდა, ნაძვის ხეები 26 მაისის პარკთან და შინდისის გმირების სკვერშიც დადგეს.
1
s
s
s