22, იანვარი 2017 11:07:00
უსიამოვნო სუნი და წყლით დაფარული სარდაფი - შერიფ ხიმშიაშვილის ქუჩის 37 ნომერში არსებულ კორპუსში პრობლემა რამდენიმე თვეა, რაც არსებობს. დაზიანებულია კანალიზაციის მილები, შედეგად სარდაფში ფეკალიები მიედინება. მობინადრეები ბათუმის მერიას უყურადღებობაში ადანაშაულებენ.
როგორც ირკვევა, მსგავსი პრობლემა სხვა კორპუსებში მცხოვრებლებსაც აწუხებთ. კობალაძის ქუჩის 13 ნომერში მდებარე ცხრასართულიან ბინაში ფანჯრებს იშვიათად აღებენ, მიზეზი გაუსაძლისი სუნია, რომელიც მეორე წელია არსებობს. იმის გამო, რომ სარდაფში წყალი დგას მომრალდა მწერები და მღრნელები. ადგილობრივები დახმარებას ითხოვენ.
პრობლემის შესახებ ინფორმაციას არ ფლობენ ბათუმის მერიაში, სადაც თემაზე დღეს კომენტარი არ გაკეთდა. უწყების პრესცენტრში განმარტეს, რომ აღნიშნულის შესახებ ამგანაგობამ მერიას წერილობით უნდა მიმართოს.