ზამთრის მოახლოებასთან ერთად სეზონური ვირუსები გააქტიურებას იწყებენ. ეს არის გრიპის A და B ვირუსით გამოწვეული მწვავე ინფექციური დაავადებაა, რომელიც აინფიცირებს სასუნთქ სისტემას. რა უნდა გავაკეთოთ ვირუსის თავიდან ასაცილებლად და რა რეკომენდაციები აქვთ სპეციალისტებს? ჯანდაცვის სფეროს წარმომადგენლები ამბობენ, რომ სეზონური ვირუსების საწინააღმდეგო ვაქცინის გაკეთების ყველაზე საუკეთესო დრო ოქტომბერი და ნოემბრის დასაწყისია.
სეზონური გრიპის ვირუსი ყოველწლიურად ცირკულირებს, რაც ადამიანთა გრიპით ავადობას განაპირობებს. ჯანდაცვის მსოფლიო ორგანიზაციის მიერ მოწოდებული რეკომენდაციების მიხედვით, პროფილაქტიკის საუკეთესო საშუალებად გრიპის საწინააღმდეგო ვაქციანაცია ითვლება. სპეციალისტის განმარტებით, საქართველოში რეგისტრირებული ვაქცინები 3 კომპონენტიანია, რომელიც ადამიანს 3 ტიპის, ყველაზე გავრცელებული ვირუსებისგან იცავს.
პედიატრის თქმით, გრიპის ვირუსი ცვლილებებს მუდმივად განიცდის, რის გამოც ვაქცინაციის ჩატარება ყოველწლიურად უნდა მოხდეს. ოჯახის ექიმი აცრის საუკეთესო პერიოდად ოქტომბერსა და ნოემბრის დასაწყისს ასახელებს. რამდენად უსაფრთხოა გრიპის ვაქცინა? .. თქმით, იგი ვერ გამოიწვევს დაავადებას, ვინაიდან წარმოადგენს ვირუსის ინაქტივირებულ სახეცვლილ ფორმას, რომელსაც მხოლოდ იმუნიტეტის გამომუშავება შეუძლია. ამ უკანასკნელის ჩამოყალიბებას კი 2-3 კვირა სჭირდება. სასურველია, ვაქცინაცია 6 თვეს გადაცილებულ ყველა ადამიანს ჩაუტარდეს.
რამდენად მზადაა აჭარის ჯანდაცვის სისტემა სეზონურ ვირუსებთან საბრძოლველად? საზოგადოებრივი ჯანდაცვის ცენტრის დირექტორის განმარტებით, რეგიონში 26 ათას 350 დოზა ვაქცინაა შემოტანილი, რომელთაგან 6 ათასი უკვე გაცემულია. რუსუდან შავიშვილის თქმით, წლის ბოლოსთვის კიდევ 27 ათასამდე ვაქცინას ელოდებიან.
უფასო ვაქცინაციით სარგებლობა შეუძლიათ იმ პირებს, რომლებიც სახელმწიფომ მაღალ რისკ-ჯგუფებს მიაკუთვნა. მათ სიაში არიან:
აჭარის საზოგადოებრივი ჯანდაცვის ცენტრის ინფორმაციით, რისკ-ჯგუფთა კატეგორიას წელს ორი მიმართულება დაემატა. უფასო ვაქცინაციით სარგებლობას 65 წელს გადაცილებული ის პირები შეძლებენ, რომელთაც აქვთ გულ-სისხლ-ძარღვთა ქრონიკული ან ფილტვის ოფსტრუქციული ქრონიკული დაავადებები.
7
s
s
s