22, იანვარი 2017 11:06:00
რეგიონში არსებული სკოლების სანიტარული შემოწმება იწყება - ამის შესახებს ჟურნალისტებს ინგა შამილშვილმა განუცხადა. აჭარის განათების, კულტურისა და სპორტის მინისტრი ამბობს, რომ დაგეგმილია საგანმანათლებლო დაწესებულებების სრულფასოვანი შემოწმება, რაც სამინისტროს შემდგომში პრობლემების მოგვარებაში დაეხმარება. ცნობილია, რომ სკოლებში სველი წერტილებიც შემოწმდება, სადაც არსებული ინფორმაციით, არასახარბიელო მდგომარეობა ფიქსირდება. შამილიშვილის თქმით, სამინისტრომ ამ მიმართულებით თანხები უკვე გამოყო, რათა პრობლემები დროულად აღმოიფხვრას.