13, ნოემბერი 2020 21:59:00
პირველი აფთიაქი – ასე უწოდებენ დღემდე, მემედ აბაშიძის გამზირის 34 ნომერში მდებარე შენობას, რომელიც ბათუმში, მე-19-მე-20 საუკუნეების მიჯნაზე ააგეს. სხვადასხვა წყაროს ცნობით, შენობაში თავიდანვე ფუნქციონირებდა „პეტკევიჩის აფთიაქი“ და „სოკოლოვსკის სამკურნალო“. კულტურული მემკვიდრეობის ძეგლის ამჟამინდელი მფლობელი „მეტრო ჰოლდინგის“ დამფუძნებელია, რომელიც სივრცეში სასტუმროსა და კაზინოს მოწყობას გეგმავს. შეიცვლება თუ არა ობიექტს ისტორიული იერსახე და შეიუნარჩუნებენ თუ არა მას დანიშნულებას? ია გოლიაძე გიმაბობთ.
ეს ე.წ ყოფილი პირველი აფთიაქია, კულტურული მემკვიდრეობის ძეგლი, რომელიც 100 წელზე მეტ ხანს ინარჩუნებდა ამ ფუნქციას, თუმცა დროთა განმავლობაში იერსახეს იცვლიდა. რამდენიმე დღეა ფასადი სამშენებლო ბადეებით დაიფარა და ხარაჩოებში მოექცა. შიდა ეზოში ახლა მძიმე ტექნიკა მუშაობს. შენობა კვლავ ტრანსფორმაციის მოლოდინშია.
რამდენიმე თვის წინ კულტურული მემკვიდრეობის ძეგლი 13 მილიონ დოლარად "მეტრო ჰოლდინგმა“ იყიდა. აჭარის კულტურული მემკვიდრეოის დაცვის სააგენტომ კი მისი რეაბილიტაცია- რესტავრაციის პროექტი შეითანხმა. ახალი მფლობელი, შენობაში სასტუმროსა და კაზინოს მოწყობას გეგმავს. აქ გვარწმუნებენ, რომ არც სართულების დამატებას აპირებენ და არც შენობის სიმაღლეში გაზრდას გეგმავენ. ამბობენ, რომ ობიექტს ისტორიულ იერსახეს და დანიშნულებას შეუნარჩუნებენ.
პროექტზე ნებართვა აჭარის კულტურული მემკვიდრობის დაცვის სააგენტომ გასცა. უწყებამ ხელოვნებათმცოდნეების რეკომენდაცია არ გაითვალისწინა, რომლებიც შენობის არსებული სახით აღდგენას ეწინააღმდეგებოდნენ და ამტკიცებდნენ, რომ ფასადი 2010 წელს დამატებული ჭარბი დეკორისგან უნდა გათავისუფლებულიყო. მფლობელებმა გვითხრეს, რომ დაზიანებულ დეკორაციას აღადგენენ და გადაღებავენ კიდეც.
პროექტს მხარი დაუჭირა სააგენტოში არსებული ძეგლების შვიდწევრიანი კომისიის უმრავლესობამ, რადგანაც ფიქრობენ, ამით ძეგლის ისტორიული, ვიზუალური და ესთეტიური მხარე არ ზიანდება. საპირისპიროს ამტკიცებენ დარგის სპეციალისტები. შოთა გუჯაბიძე ამტკიცებს, რომ პროექტით ხელისუფლება ბათუმის ისტორიას კიდევ ერთხელ ანადგურებს.
რა პასუხი აქვს კრიტიკაზე ნებართვის გამცემ უწყებას? აჭარის კულტურული მემკვიდრეობის სააგენტოში ინტერვიუზე უარი თქვეს. წერილობით კი განმარტეს, რომ წლების მანძილზე ამორტიზებულ შენობას რეაბილიტაცია ძეგლის ინტერესებიდან გამომდინარე და მოცულობის ცვლილების გარეშე უტარდება. შენობა მე-19-მე-20 საუკუნეების მიჯნაზე აშენდა და მასში თავდაპირველად პეტკევიჩის