25, ნოემბერი 2020 21:25:00
თითქმის ცარიელ დარბაზში განხილული ქობულეთის 2021 წლის ბიუჯეტის პროექტი. მუნიციპალიტეტის მთავარი ფინანსური დოკუმენტი, საწყის ეტაპზე, 35 მილიონ 116 ათასი ლარით განისაზღვრა. თანხები ძირითადად, ჯანდაცვის და სოციალური მომსახურების მიმართულებით გადანაწილდება. გარდა ამისა, ფინანსების დიდი ნაწილი გათვალისწინებულია, ინფრასტრუქტურული პროექტებისთვისაც. სხდომას, ბოიკოტის ნიშნად „ერთიანი ნაციონალური მოძრაობის“ წევრები არ ესწრებოდნენ. უფრო ვრცლად, ბიუჯეტის პარამეტრებს სიუჟეტიდან გაიგებთ.
თითქმის ცარიელ დარბაზში განხილული ქობულეთის 2021 წლის ბიუჯეტის პროექტი. მუნიციპალიტეტის მთავარი ფინანსური დოკუმენტი, საწყის ეტაპზე, 35 მილიონ 116 ათასი ლარით განისაზღვრა. თანხები ძირითადად, ჯანდაცვის და სოციალური მომსახურების მიმართულებით გადანაწილდება. გარდა ამისა, ფინანსების დიდი ნაწილი გათვალისწინებულია, ინფრასტრუქტურული პროექტებისთვისაც. სხდომას, ბოიკოტის ნიშნად „ერთიანი ნაციონალური მოძრაობის“ წევრები არ ესწრებოდნენ. უფრო ვრცლად, ბიუჯეტის პარამეტრებს სიუჟეტიდან გაიგებთ.
ქობულეთის კულტურის სახლი დღეს მუნიციპალიტეტის ბიუჯეტის პროექტის საჯარო განხილვისთვის გაიხსნა, თუმცა დარბაზი სანახევროდაც არ გაივსო. დოკუმენტზე მაინც იმსჯელეს. მერია თანხის დიდი ნაწილის დახარჯვას ჯანდაცვისა და სოციალური მომსახურების მიმართულებით გეგმავს. შესაძლოა, მუნიციპალიტეტმა, კოვიდ19-ით გარდაცვლილთა დაკრძალვის ხარჯებიც უზრუნველყოს.
2021 წლის ბიუჯეტის პროექტში თანხები გათვალისწინებულია ინფრასტრუქტურული პროექტებისთვისაც. 35 მილიონ 116 ათას ლარიანი ხაზინიდან, ქალაქის და სოფლის კეთილმოწყობისთვის, 14 მილიონ 500 ათასი ლარია გაწერილი.
მომავალი წლის ბიუჯეტით გეგმავს მერია, საბავშვო ბაღების მშენებლობას ხალაში, ლეღვაში, დაბა ჩაქვსა და საჩინოში. წელს, პირველად გაჩნდება თანხები, მაღალი აკადემიური მოსწრების მქონე სტუდენტების სტიპენდიისთვის.
იმუშავებს მრავალბინიანი საცხოვრებლების სახურავების შეცვლის, რეაბილიტაციისა და აღდგენის პროგრამა.
გარდა 2021 წლის ბიუჯეტის პროექტისა, საკრებულომ იმსჯელა, საფეხბურთო კლუბ „შუქურას“ აჭარის მთავრობისთვის გადაცემის საკითხზეც. გუნდი, 25 წლით, ინვესტორზე გასხვისდება. ფიქრობენ, რომ კლუბი ასე უფრო გაძლიერდება.
დღესვე იქნა მიღებული გადაწყვეტილება, რომლის მიხედვითაც, გამოცხადდება ტენდერი და გამარჯვებული კომპანია უზრუნველყოფს მუნიციპალიტეტის ბალანსზე არსებული მოსაცდელების მოვლა-პარტონობას.
დღეს განხილული ბიუჯეტის პროექტი, საკრებულოს, დასამტკიცებლად 10 დეკემბრამდე წარედგინება.