კომპანია, რომელიც ბათუმის საახალწლო მორთულობისთვის მერიის ტენდერს უკვე ზედიზედ მეათედ იგებს. "აჭარგანათებას" ელექტრონულ შესყიდვაში, წლებია არც კონკურენტი ჰყავს. საეჭვო კორუფციულ გარიგებებზე ოპოზიციაში უკვე ღიად საუბრობენ. ხელისფულების ოპონენტებს მიაჩნიათ, რომ სატენდერო პირობები სწორედ ამ ერთ კომპანიაზეა მორგებული
ბათუმს საახალწლოდ "აჭარგანათება" მორთავს. ეს უკვე მეათე წელია, როცა შპს, უკონკურენციო პირობებში, მუნიციპალური ელექტრონული ტენდერის გამარჯვებული გახდა. წელს მას ბათუმის მერია მომსახურებისთვის ნახევარ მილიონ ლარს გადაუხდის.
იმის გამო, რომ შპს "აჭარგანათება" ერთადერთი გამარჯვეული კომპანიაა, რომელიც საახალწლო მორთულობის მონტაჟსა და დემონტაჟს 2011 წლიდან ახორციელებს, კორუფციაზე ეჭვობენ ოპოზიციაში. ამბობენ, რომ არ არის გამორიცხული, სატენდერო პირობები სწორედ ამ ერთ კომპანიაზე იყოს მორგებული.
ბათუმის საკრებულოს წევრი, დიმიტრი ჭეიშვილი ამბობს, რომ ადგილობრივ ბაზაზე არ მოიძებნება კომპანია, რომელსაც მსგავსი სამუშაოების შესასრულებლად საკმარისი რესურსები გააჩნია, სწორედ ამიტომ, მისივე შეფასებით, "აჭარგანათებას" ტენდერში ბრძოლა, უკონკურენტოდ უწევს.
შპს "აჭარგანათების" დირექტორი, ნიკოლოზ თოფურიძე, "ქართული ოცნებიდან", ბათუმის საკრებულოს წევრის, ირაკლი თოფურიძის ძმაა. არის თუ არა "აჭარგანათების" ტენდერში გამარჯვებების სერია დაკავშირებული ამ გარემოებასთან, კოლეგებთან ერთად, გავლენებს, ძმები თოფურიძეები არ პასუხობენ. კომპანიის დირექტორი არც ოფისში დაგვხვდა.
ბათუმის მერიის საქალაქო ინფრასტრუქტურისა და კეტილმოწყობის სამმართველომ, 2021 წლის საახალწლო მორთულობისთვის, ტენდერი 5 ნოემბერს გამოაცხადა. იმის გამო, რომ კონკურენცია არ იყო, არც ვაჭრობა შედგა და შესაბამისად, ტენდერი "აჭარგანათებამ" იმ ფასად მოიგო, რა საწყისი ფასიც მერიამ დაასახელა - ნახევარი მილიონი ლარი.
19
s
s
s