ახლა კი უნდა გიამბოთ 28 წლის მარტოხელა დედის ისტორიაზე, რომელიც შვილების გამოკვება დღითიდღე უჭირს. თამილა მახარაძე 10 კვადრატულ ფართში 3 მცირეწლოვან ერთად ცხოვრობს. ოჯახის ერთადერთი შემოსავალი სოციალური დახმარებაა, რაც თვიდან თვემდე საარსებოდ არ ჰყოფნის. ახალგაზრდა ქალი ოჯახის წევრებისა და ახლობლების დახმარების იმედადაა.
თამილა მახარაძე, სამ მცირეწლოვან შვილთან ერთად, ე.წ. „ოცნების ქალაქში“ ცხოვრობს. 10 კვადრატული ფიცრული, სამზარეულოს, მისაღებსა და საძინებელს აერთიანებს. ოჯახში, არც ტელევიზორი აქვთ, არც მაცივარი და არც სარეცხი მანქანა.
ყოფილი 53-ე სამხედრო ბატალიონის ტერიტორიაზე, თვითნებურად დასახლებული მახარაძეების ყოველთვიური შემოსავალი 390 ლარია. ამ თანხას სახელმწიფოსგან იღებენ, თუმცა ფაქტობრივად, არაფერში ყოფნით. დახმარებისთვის ხშირად ახლობლებს მიმართავენ.
თამილას ერთადერთი სურვილი, შვილებისთვის უსაფრთხო და კომფორტული გარემოს შექმნაა. ითხოვს საცხოვრებელი ფართით უზრუნველყოფას. იმედი აქვს, რომ მშენებარე კორპუსში, ბინის მისაღებად, კრიტერიუმებს დააკმაყოფილებს.
ამ ეტაპზე, „ოცნების ქალაქის“ მხოლოდ პირველი კორპუსი შენდება. იგი 1 წელში უნდა ჩაბარდეს და 582 ოჯახი დაკმაყოფილდეს. საბოლოო კრიტერიმებზე ჯერ არ შეჯერებულან, შესაბამისად, ვერაფერს ამბობენ, მიიღებს თუ არა ბინას თამილა მახარაძე. აჭარის მთავრობაში, "ოცნების ქალაქის" თითოეულ მაცხოვრებელს იმით აიმედებენ, რომ საბოლოოდ, საცხოვრებლებით ყველა ოჯახი დაკმაყოფილდება.
32
s
s
s