გამოშვებას ვიწყებთ უკიდურეს გაჭირვებაში მცხოვრები მარტოხელა დედის ისტორიით. ზაირა მუნჯიშვილს საკვების შესაძენად თანხა არ აქვს, რადგან ერთადერთი შემოსავლით ქირასა და კომუნალურ გადასახადებს ფარავს. ვერ მუშაობს იმ მიზეზით, რომ შვილის დამტოვებელი არ ჰყავს. უფრო ვრცლად სალომე უსტალიშვილი გიამბობთ.
გაუსაძლის პირობებს და სიდუხჭირეს, ზაირა მუნჯიშვილი, შეზღუდული შესაძლებლობის მქონე შვილთან ერთად წლებია მარტო ებრძვის. მის საკუთრებას არც ეს ერთი ოთახი წარმოადგენს. სივრცე, სასტუმროც არის და საძინებელიც. სამზარეულო არ აქვს, ამიტომ სუსხიან ზამთარში საკვებს გარეთ ამზდებს.
სოციალურ დახმარებას ქირასა და კომუნალურ გადასახადებზე ანაწილებს. საკვებისთვის და სხვა საჭიროებებისთვის თანხა აღარ რჩება, თავი, მეზობლები დახმარებით გააქვს.
ვერ მუშაობს, რადგან არავინ ჰყავს, ვისაც სამუშაო საათებში შვილს დაუტოვებს. შეზღუდული შესაძლებლობის გარდა, იგი ქრონიკული პაციენტია. საჭირო წამლებს, უსახსრობის გამო ვერ ყიდულობს.
თანხას, რომელსაც ზაირას შვილი, პროგრამით იღებს, წინასწარ აქვს გამოტანილი. ოჯახი ახალ წელს, ისევ რიგითი ადამიანების იმედად ხვდება.
3
s
s
s