თეო იმ გოგოებს განეკუთვნები ვისთვისაც მოდურათ ცაცმა მნიშვნელოვანია. გინდა, რომ ტრენდულად გამოიყურებოდე.
კი ნამდევილად ასეა და სამწუხაროა, რომ 2021 წლის მოდელებს ჩვენებებზე ვერ ვნახავთ, იმიტომ, რომ პანდემიაა და მსგავსი ღონისძიებების გამართვა შეზღუდულია, თუმცა რა იქნება ახალი ონლაინ ვეცნობი, მუდმივად ვსტუმრობ ცნობილი დიზაინერების ოფციალურ თუ ფეიბუქ გვერდებს.
ვიდრე ყველა გავეცნობოდეთ რა მომდევნო წლის ტენდენციებს, შენ გვითხარი რა იქნება აქტუალური მომავალ წელს.
თეთრი და ვერცხლისფერი ტონები. არა მოდგმული არამედ ფართო და გაშლილი ტანისამოსი. ბევრი მძივები და ბრჭყვიალები. 2021 წელი მოდის მოყვარულებს ბევრ სიახლეს სთავაზობს. თეთრი ხარის წელიწადში მოდის შემქმნელები უპირატესობას სწორედ თეთრ ფერს ანიჭებენ. მთავარი ტენდენცია კლასიკური და თანამედროვე სტილის სინთეზია. ახალი წლის მოდური ჩასაცმელი, დიზაინერებს მოდის მიმდევრებისთვის, უკვე მზად აქვთ. ცნობილი ბათუმელი დიზაინერების გარდერობში უკვე შევიხედეთ. როგორ გამოიყურება მათი ბოლო ნამუშევრები და რას უნდა მიაქციოთ ყურადღება იმისთვის, რომ ყველაზე მოდურები იყოთ.
განსხვავებული ქსოვილების სინთეზი და კონტრასტული ფერები ... მოდის მოყვარულებისთვის 2021 წელი, ღია ტონალობებით იქნება გამორჩეული. გამომდინარე იქიდან, რომ ხარის წელი დგება, მოდის შემქმნელები გვირჩევენ, უპირატესობა თეთრსა და ვერცხლისფერზე გავაკეთოთ. ია ღონიაძისთვის ეს ახლა განსაკუთრებით იოლია, რადან დიზაინერისთვის ღია ფერები ყოველთვის ფავორიტი იყო.
რით იქნება გამორჩეული მისი ახალი მოდელები - იდეებს ეკსლუზიურად გვაცნობს. ამბობს, რომ თანამედროვე ელემენტებით იქნება გამდიდარებული კლასიკურ პიჯაკებიც. ჩაფიქრებული აქვს, მათ კორსეტი შემოაკრას. მოლოდინი აქვს, რომ სიახლე, ბევრ ქალს მიიზიდავს და მოდელები ტრენდად გადაიქცევა.
გამომდინარე იქედან, რომ ქვეყანაში პანდრმიაა და მოქალაქეების უმრავლესობა ახლა სახლშია, ბათუმელმა დიზაინერმა გადაწყვიტა, მომხმარებლებს უფრო თავისუფალი სტილიც შესთავაზოს. სპორტული ტანსაცმელი, ძირითადად რუხ ფერებში გადაწყვიტა. ახალი მოდელები, ექსკლუზიურად ჩვენი მაყურებლისთვის გამოფინა.
კლასიკურის და თანამედროვე შტრიხების ერთობლიობას, ქართული ელემენტები შესძინა ნანუკა სტამბოლიშვილმაც. იგი მომხმარებლებს ტრადიციული ტანსაცმლის ყოველდღიურობაში გადმოტანას სთავაზობს. მისი ხაზი ნანა ქართველის სახელითაა ცნობილი. ამბობს, რომ თეთრი ფერის აქტუალობის მიუხედავად, მისთვის დომინანტი მაინც შავი იქნება.
ნანა ქართველი ქალებს ძირითადად გამოკვეთილ სილუეტებს სთავაზობს. ამბობს, რომ ასე ფორმები უფრო გამოკვეთილია.
დიზაინერების ნაწილი ფიქრობს, რომ გარდა თეთრისა და ვერცხლიფერისა, 2021 წელს აქტუალური იქნება ცისფერი და ყვითელი. ამიტომ, თაკო მექვაბიძის კოლექციაში საკმაოდ მკვეთრი ფერებია წარმოდგენილი.
თაკოს თქმით, პანდემიამ მოდაზე გავლენა იქონია. ადამიანები, კლასიკურიდან, უფრო მეტად, სპორტული ტანსაცმლის მოხმარებაზე გადავიდნენ. დიზაინერმა, ეს გამოწვევა გაითვალსიწინა და ცალკე ხაზი გამოუშვა.
ერთი ტონალობის სამოსი, ღია და ნაზი ფერები, დაგრძელებული კაბები და შარვლები ფართო ბოლოებით - ვისაც მოდურად ჩაცმა გიყვართ, გაითვალისწინეთ, რომ ეს ახალი წლის მოდის ძირითადი აქცენტები იქნება.