21, იანვარი 2021 17:44:00
200-ლარიანი დახმარების მიღების მიზნით, დაქირავებულთა შესახებ მონაცემების წარდგენის ვადა ამოიწურა. შემოსავლების სამსახურის ოფიციალური მონაცემებით, კომპენსაციის მისაღებად, ონლაინ-პლატფორმაზე, ჯამში, 160 ათასზე მეტი ფიზიკური პირი დარეგისტრირდა. შემოსავლების სამსახური მონაცემებს დასაქმების ხელშეწყობის სახელმწიფო სააგენტოს განსახილველად მიაწვდის, რომელიც ერთჯერადი კომპენსაციის თანხის გადარიცხვას უზრუნველყოფს. დამქირავებლის მხრიდან არასწორი ინფორმაციის წარდგენისა და კომპენსაციის უსაფუძვლოდ გაცემის შემთხვევაში, სახელმწიფოსთვის მიყენებულ ზიანზე პასუხისმგებლობა განმცხადებელს ეკისრება.