ძაღლს თურქეთიდან სახელად ბონჯუკი, უკვე ბევრი იცნობს. მისმა საქციელმა და პატრონის მიმართ ერთგულებამ, გულგრილი არავინ დატოვა. თურქულმა მედიამ ბონჯუკზე მას შემდეგ დაწერა და გაავრცელა, როცა აღმოჩნდა, რომ იგი სახლიდან გაიმარა და პატრონს საავადმყოფოს კართან, გამოჯანმრთელებამდე ელოდებოდა.
ყველაფერი ასე დაიწყო. ქემალ სენტურკი, კლინიკაში, 14 იანვარს მოათავსეს. იმავე დღეს, თავისი ძაღლი სახლიდან გაიპარა და სამედიცინო დაწესებულების შესასვლელთან დადგა. ბონჯუკი, რაც თურქულად მძივს ნიშნავს, პატრონს, საავადმყოფოს კართან 6 დღის განმავლობაში ელოდებოდა.
მედ-პერსონალმა ძაღლის პატრონის ვინაობა დაადგინა და ქემალის ოჯახს დაუკავშირდა. პაციენტის ნათესავებმა ბონჯუკი სახლში დააბრუნეს, თუმცა იგი, ჯიუტად საავადმყოფოსთან ყოველდღე ბრუნდებოდა. ტრაბზონელმა ჰაჩიკომ არც საავადმყოფოს თანამშრომლები დატოვა გულგრილად განწყობილი, ამიტომ მას მუდმივად აპურებდნენ.
ოჯახმა ვერ გაარკვია როგორ ახერხებდა ბონჯუკი სახლიდან გაპარვას, თუმცა სენტურკების ბინა კლინიკასთან ახლოს მდებარეობს, ამიტომ მას დიდი მანძილის გავლა არ სჭირდებოდა.
საავადმყოფოს დაცვის თანამშრომელი ამბობს, რომ ძაღლი დაწესებულებასთან დილაადრიან მიდიოდა და გვიანობამდე იმყოფებოდა. მუჰამედ აქდენიზის თქმით, როცა კლინიკის კარს აღებდენ, ბონჯუკი იმ პალატაში შედიოდა, სადაც პატრონი იყო მოთავსებული.
ნანატრი შეხვედრა 20 იანვარს შედგა, როცა ექვსდღიანი ლოდინის შემდეგ, ბონჯუკმა და სენთურქმა, ერთმანეთი მცირე ხნით ისევ ნახეს.
ძაღლი სამედიცინო დაწესებულებიდან ქემალთან ერთად, მისი გაწერის შემდეგ წავიდა და მას შემდეგ აღარ დაბრუნებულა. ეს ფაქტი კი, მსოფლიო პრესაში, ფართოდ გავრცელდა. ტრაბზონელ ჰაჩიკოზე არაერთი გავლენიანი მედიასაშუალება წერდა.
292
s
s
s