მკაცრი შეზღუდვების მიუხედავად, კორონავირუსმა, ფერიის ბავშვთა სახლშიც შეაღწია. ინფიცირებულია 25 მოზარდი და 7 აღმზრდელი. დღეს ვირუსი ბათუმის მერვე საჯარო სკოლაშიც დაფიქსირდა. ინფიცირებულია 1 მაღალკლასელი მოსწავლე. სკოლის დირექტორის განმარტებით, აღნიშნული კლასის მოსწავლეები სწავლების დისტანციურ რეჟიმზე გადავიდნენ.
დღეისათვის, აჭარაში გამოვლენილი 34 ახალი კოვიდინფიცირებულიდან, 25 ბათუმის წმიდა მატათას სახელობის გიმნაზია-პანსიონის არასრულწლოვანია. ისინი მკურნალობას, საკარანტნე სასტუმროში გადიან.
კორონავირუსი დღეს დაუდასტურდა, ბათუმის 8 საჯარო სკოლის უფროსკლასელსაც. ტემპერატურა მას გუშინ დაუფიქსირდა. დირექტროის თქმით, კლასი 12 დღით, უკვე გადავიდა სწავლების დისტანციურ რეჟიმზე.
აჭარის საზოგადოებრივ ჯანდაცვაში აცხადებენ, რომ სკოლაში გამოვლენილი ერთი შემთხვევა, საშიშროებას არ ქმნის. რაც შეეხება ბავშვთა სახლში დადასტურებულ შემთხვევებს, რუსუდან შავიშვილის თქმით, თითოეული ინფიცირებულის მდგომარეობა დამაკმაყოფილებელია.
რაც სეეხება ზოგად სტატისტიკას, აჭარაში დღეს 34 ახალ დადასტურებულ შემთხვევას ითვლის. ჯამში, კოვიდკლინიკებში 184 პაციენტი მკურნალობს, მათგან მძიმეა 6 პაციენტის მდგომარეობა, ისინი მართვით სუნთქვაზე იმყოფებიან. რაც შეეხება გამოჯანმრთელებულებს, ვირუსი კიდევ 22-მა ინფიცირებულმა დაამარცხა.
7
s
s
s