04, თებერვალი 2021 16:58:00
მიუხედავად იმისა, რომ საქალაქთაშორისო ტრანსპორტით გადადგილება უკვე რამდენიმე თვეა აკრძალულია, მძღოლები ფარულად მაინც მუშაობენ. კანონდარღვევას კი ხელისუფლება ვერ ამჩნეევს. მძღოლები ყოველდღიურად, ქვეყნის ყველა მიმართულებით გადაადგილდებიან. ვითარების გადამოწმებას დღეს მაცნეს გადამღები ჯგუფი შეეცადა.
კოვიდ პანდემიის გავრცელების პრევენციისთვის დაწესებული შეზღუდვა, რომელიც საქალაქთაშორისო მიმოსვლის აკრძალვას გულისხმობს, ისევ ძალაშია, თუმცა ალბათ ყველამ ვიცით, რომ მძღოლებს მგზავრთა გადაყვანა თითქმის შეზღუდვის არცერთ ეტაპზე შეუწყვიტავთ. ფაქტის გადასამოწმებლადბათუმში, მაიაკოვსკის ქუჩაზე მდებარე ავტოსადგურს მივაკითხეთ. მძღოლებთან ინტერვიუ თავდაპირველად ფარულად ჩავწერეთ.
ამ ჩანაწერის შემდეგ, რამდენიმე წუთში, იგივე ავტოსდგურში უკვე ჩართული კამერით მივედით. მძღოლი დაიბნა და ჩვენი დარწმუნება სრულიად საპირისპიროში სცადა.
ქვეყნისსხვადასხვამიმართულებითმძღოლებიბათუმისრამდენიმემისამართიდანგადიან.მათკარგადხედავენსამართალდამცავებიც.მათი ნაწილი რამდენჯერმე დაჯარიმდა კიდევაც,თუმცამძღოლების კანონდარღვევით მგზავრების გადაყვანას მაინც აგრძელებენ.
კანონს რომ არღვევენ იციან, თუმცა აღნიშნავენ, რომ იძულებული არიან უგულვებელყონ ეს კოვიდრეგულაცია, რადგან სხვა შემთხვევაში, ვერც საბანკო ვალდებულებებს დაფარავენ და ვერც კომუნალურ ხარჯებს გაუმკლავდებიან. ასე, რომ თუ მგზავრი მზად არის გადაიხადოს იმაზე გაცილებით მეტი, ვიდრე პანდემიამდე იყო დადგენილი, მგზავრობა ქვეყნის ნებისმიერ ქალაქში და მუნიციპალიტეტშია შესაძლებელი. გაზრდილი ტარიფი მოქალაქეებსაც აწუხებთ, თუმცა გამოსავალი არ აქვთ.
აჭარის საპატრულო პოლიციის ხელმძღვანელი ამბობს, რომ სართალდარღვევაზე 31 პირი უკვე დააჯარიმეს, აქედან ოთხ მათგანზე სისხლის სამართლის საქმეა აღძრული.მიუხედევად იმისა, სანქცია ყოველ მომდენვო დარღვევაზე მზარდია, ფაქტია,რომ პოლიტიკა ეფექტური არაა.პოლიცია ხშირად იმის იდენტიფიცირებასაც ვერ ახდენს, არიან თუ არა მგზავრები რეალურად მძღოლის ახლო ნათესავები.
აჭარის საპატრულო პოლიციის ხელმძღვანელი,შემთხვევით ჩავწერეთ. დავით მაღრაძე, ქუჩაში მოულოდნელადშეგვხვდა, თუმცა გეგმავს თუ არა შსს უფრო ეფექტური ზომების მიღებას იმისთვის, რომ აკრძალვის მიუხედავად, მგზავრთა თვითნებური გადაყვანა არ მოხდეს, უწყების პრეს-სამსახურმა არ გვიპასუხა. მთელი დღის განმავლობაში მათგან პასუხს ამაოდ ველოდით.