აჭარის ჭიდაობის ფედერაცია შესაძლოა 200-მდე სპორტსმენმა დატოვოს. ისინი იმუქრებიან, რომ აღარც აჭარის სახელით იასპარეზებენ. მუქარის მიზეზი ფედერაციის საპრეზიდენტო არჩევნები გახდა. თანამდებობა, ახალი ვადით ისევ ანზორ ლაზიშვილმა დაიკავა. მოჭიდავეები აცხადებენ, რომ თუ კი ახალი კანდიდატურები არ დასახელდებიან და განმეორებითი კენჭისყრა არ გაიმართება, პირობას არ გადავლენ. დეტალებზე ცხრის ნახევარზე გიამბობთ.
სამუშაო დროის აღრიცხვის ფორმა არის დასაქმებულთა სამუშაო დროის (ნამუშევარი საათების) აღრიცხვის ყოველთვიური დოკუმენტი, რომელიც მოიცავს წერილობით ან/და ელექტრონული ფორმით აღრიცხულ მონაცემებს დასაქმებულთა მიერ ნამუშევარი საათების შესახებ.
რამდენ საათს ამუშავებს დღის განმავლობაში დამსაქმებელი დასაქმებულს - თითოეული ორგანიზაცია ვალდებულია დეტალური აღრიცხვა აწარმოოს. ახალი ვალდებულება, დამსაქმებლებს შრომის კოდექსში შესული ცვლილების საფუძველზე 1 მარტიდან დაეკისრებათ. ბრძანებას ხელი, საქართველოს ჯანდაცვის მინისტრმა უკვე მოაწერა.
დამსაქმებლის ახალი ვალდებულება ხდება, სამუშაო საათებთან დაკავშირებული ჩანაწერები თითოეულ თანამშრომელს გააცნოს. დოკუმენტში წერია, რომ გამონაკლისად ჩაითვლება ის შემთხვევა, როცა სამუშაოს სპეციფიკიდან გამომდინარე, ეს შეუძლებელი იქნება. მეტი კონკრეტიკა ბრძანებაში არ წერია.
ვინ და როგორ გააკონტროლებს, რამდენად ობიექტურად აღწერენ სამუშაო საათებს დამსაქმებლები, შრომის კოდექსში ჩანაწერი არ იკითხება. სწორედ ამიტომ, დამსაქმებლები თვლიან, რომ ორგანიზაცია, რომელსაც სურს დასაქმებული ზეგანაკვეთურად, აღრიცხვის გარეშე ამუშაოს, ამას სახელმწიფოსგან ფარულად მაინც გააკეთებს.
იმის გამო, რომ კანონს ბერვი პასუხგაუცელემელი კითხვა აქვს, "საქართველოს ახალგზარდა იურისტთა ასოციაციაში" ფიქრობენ, რომ ახალი რეგულაცია შესაძლოა კიდევ ერთ ბიუროკრატიულ მექანიზმად შეფასდეს.
შრომის კოდექსის მიხედვით, დღეს დაშვებულია კვირაში 48 საათიანი სამუშაო გრაფიკი. დამატებით დროის დაყოვნების შემთხვევაში, დამსაქმებელი ვალდებულია, დასაქმებულს ზეგანაკვეთური სამუშაოს საფასურიც აუნაზღაუროს, თუმცა იმის გამო, რომ კანონის მოქმედების კონტროლი ვერ ხდება, იგი არც თუ ისე იშვიათად ირღვევა. კონტროლის მექანიზმი არც აქ ჩანს, მიუხედავად ამისა, აჭარის პროფესიული კავშირების გაერთიანებაში ფიქრობენ, რომ ამ ცვლილებით, დასაქმებულებს უფლებების დაცვა გაუმარტივდებათ.
განხორციელებული ცვლილებისა და მექანიზმების შესახებ ავტორისგან კითხვებზე პასუხები ვერ მივიღეთ. ჩვენს ზარებს არც საქართველოს პარლამენტში და არც საქართველოს ჯანდაცვის სამინისტროში უპასუხეს.
66
s
s
s