უკვე 4 წელია, რაც ქობულეთის საკრებულოს დავით მჭედლიშვილი ხელმძღვანელობს. საჯარო მოხელემ, უფლებამოსილების ვადაში, ქონებრივი დეკლარაცია ოთხჯერ შეავსო. როგორც აღმოჩნდა, ბოლო წლებში, წარმომადგენლობითი ორგანოს თავმჯდომარისა და მისი ოჯახის ქონება, მნიშვნელოვნად გაიზარდა. გადამოწმებით ისიც დადგინდა, რომ მჭედლიშვილმა, დეკლარაციებში ყველაფერი არ დაწერა. ოფიციალური დოკუმენტაციის მიხედვით, ოჯახის საკუთრებაში არსებულ მიწის ნაკვეთებზე გაჩნდა შენობები, რასაც თავად მჭედლიშვილი ცოტა უცნაური არგუმენტებით ხსნის.
ია გოლიაძე, მალხაზ ხუნდაძე, თორნიკე პატარაია
ეს ქობულეთში, რუსთაველის 224 ნომრის მიმდებარედ აშენებული სასტუმროა, რომელიც ადგილობრივებისა და სტუმრებისთვის „სიშელის“ სახელითაა ცნობილი. ობიექტი ქობულეთის საკრებულოს თავმჯდომარის ქონების ნუსხაშია. დავით მჭედლიშვილის მიერ ბოლოს, 2021 წელს შევსილი დეკლარაციიდან ირკვევა, რომ უძრავი ქონების ნაწილი, თანამდებობის პირმა და მისმა მეუღლემ ძირითადად, უმცროსი შვილის სახელზე გადააფორმეს. ივერი მჭედლიშვილის საკუთრებაში, ოფიციალური დოკუმენტის მიხედვით, საცხოვრებელი სახლია, 1 560 კვადრატული მეტრი და მიწის ნაკვეთი - 1 460 კვადრატული მეტრი. საჯარო მოხელის შვილის სახელზე რეგისტრირებული ეს სახლი, ტურისტებზე ქირავდება.
ეს კი რუსთაველის 224-ში მდებარე შენობაა, რომელიც ქობულეთის საკრებულოს თავმჯდომარემ დეკლარაციაში, როგორც სახლი, ისე ასახა. საოჯახო ტიპის სასტუმროში, მჭედლიშვილი ოჯახთან ერთად ცხოვრობს. ამას მეზობლებიც ადასტურებენ, თუმცა როდის გადააკეთა წარმომადგენლობითი ორგანოს ხელმძვანელმა იგი ტურისტულ ობიექტად, ვერ იხსენებენ. როგორც ოფიციალური დოკუმენტაციით ირკვევა, თავმჯდომარის რანგში შევლისი პირველი დეკლარაციის მიხედვით, რომელიც შენობის ფართობი 600 კვ. მეტრი იყო. 2021 წელს კი ფართობი ხუთჯერ გაიზარდა და 3023.3 კვ.მეტრია.
ქობულეთის საკრებულოს თავმჯდომარის ქონების ნუსხა ამით არ სრულდება. მჭედლიშვილის სახელზე აღმაშენებლის 380 ნომერში მდებარე 400 კვადრატული მეტრი მიწის ნაკვეთიც ფიქსირდება. აქ სახლი დგას, რომელიც ზღვის პირველ ზოლს ესაზღვრება და ტურისტულ სეზონზე ძვირად ქირავდება.
მჭედლიშვილის ძვირადღირებულმა ქონებამ კითხვითი ნიშნები მედიაში უკვე გააჩინა. გამომცემლობა „ბათუმელებმა“ რამდენიმე დღის წინ დაწერა, რომ სასტუმრო „სიშელი“ მჭედლიშვილმა უნებართვოდ, 2016 -18 წლებში ააშენა, თან ისე, რომ ქობულეთის მერიის შესაბამის სამსახურს არც კი დაუჯარიმებია. პრობლემას წარმოადგენს ისიც, რომ თანამდებობის პირმა დეკლარაციაში სასტუმროების ნაცვლად სახლები მიუთითა. „ბათუმელებს“ კი უთხრა, რომ უბრალოდ აერია. ძვირადღირებულ ქონებასთან დაკავშირებით გაჩენილი კითხვითი ნიშნები კითხვებს უჩენს თავად მეპატრონეს.
ძვირადღირებული ქონების მეპატრონე ამტკიცებს, რომ არაკანონიერს არაფერს სჩადის. უფრო მეტიც, ამტკიცებს, რომ ობიექტი მაშინ ააშენა, როცა მშენებლობა ნებართვას არ საჭიროებდა. მჭედლიშვილი გაურკვევლობას დეკლარაციაში მითითებული უზუსტობებით ხსნის:
ქობულეთის მერიამ საკითხის შესწავლა უკვე დაიწყო. როგორ ვერ შენიშნა უწყებამ შესაძლო კანონდარღვევა ქალაქის ცენტრალურ ნაწილში - ? კითხვა უპასუხო დარჩა. მუნიციპალიტეტის პირველი პირი ამტკიცებს, რომ საჭიროების შემთხვევაში უკანონობა მკაცრად დაისჯება.
ქონებრივი დეკლარაციის მიხედვით, სოფელ ლეღვაში მჭედლიშვილი 4500 კვ.მ მიწის ნაკვეთს ფლობს. მისი შვილის სახელზეა რეგისტრირებული, ასევე ბინა ბათუმში აბუსერიძის ქუჩაზე, ხოლო მეუღლე ირმა გოგიტიძე 2002 წლიდან ფლობს ბინას თბილისში. კიდევ ერთი ბინა აქვს დავით მჭედლიშვილს დედაქალაქში. ვაშლიჯვარში. გასულ წელს ხელფასის სახით, ცოლ ქმარმა ხელფასის სახით ჯამში 51 500 ლარი მიიღო. წარმომადგენლობით ორგანოში მოხვერამდე მჭედლიშვილი საზოგადოებრივი კოლეჯის ,,ახალი ტალღის” დირექტორი იყო.
8
s
s
s