18, თებერვალი 2021 11:20:00
ჩვენ იმედს ვიტოვებთ, რომ მივუსხდებით მოლაპარაკების მაგიდას ამ რეჟიმის წარმომადგენლებთან და განვიხილავთ საკითხს, ახალი არჩევნების ჩატარებასთან დაკავშირებით,- ამის შესახებ „ნაციონალური მოძრაობის“ ლიდერმა განაცხადა.
ნიკა მელიას განმარტებით, ქვეყანას კრიზისიდან მხოლოდ ვადამდელი არჩევნები გამოიყვანს.
„ოპოზიციური პარტიების სახლით მინდა განვაცხადო: ჩვენ იმედს ვიტოვებთ, რომ მივუსხდეთ მოლაპარაკების მაგიდას ამ რეჟიმის წარმომადგენლებთან ჩვენი ფასილიტატორების მონაწილეობით და განვიხილოთ ახალი არჩევნების ჩატარებასთან დაკავშირებული საკითხი. ჩვენი ამოცანა არაა და არასოდეს არ იქნება ძალადობა“, - აღნიშნა მელიამ.