25, თებერვალი 2021 17:58:00
ჟურნალისტზე და მის ოჯახის წევრებზე თავდამსხმელებს, გამოძიება, ჯგუფურ ძალადობას ედავება. დაკავებულია სამი პირი. ვახო სანაია მომხდარის დეტალებს იხსენებს და აცხადებს, რომ მასზე იერიში, ჟურნალისტური საქმიანობის გამო მიიტანეს. "ფორმულა"-ს ტელეწამყვანი ამბობს, რომ სამი თავდამსხმელიდან, ერთ-ერთი, განსაკუთრებით ცდილობდა მის პროვოცირებას, შემდეგ კი მუქარაზე გადავიდა. სანაია ყვება, რომ როცა იგი მისკენ მუშტებით გაიწია, ხელი აირიდა, თუმცა ყინულზე ორივე წაიქცა, სწორედ ამ დროს გაუსწორდა ფიზიკურად დანარჩენი ორი თავდამსხმელი. ჟურნალისტს სხვადასხვა სახის დაზიანება მიაყენეს. თავდამსხმელებმა დარტყეს სანაიას რძალსაც. ჟურნალისტი აღნიშნავს, რომ იგინებოდნენ როგორც მისი, ასევე ზოგადად, კრიტიკული მედიის მისამართით. მომხდარს გმობს საქართველოს ჟურნალისტური ეთიკის ქარტია, სადაც აცხადებენ, რომ ფაქტი, სწრაფად და ეფექტიანად უნდა გამოიძიონ. ქარტია, ასევე მოუწოდებს ხელისუფლებას, დაიცვას ჟურნალისტთა უსაფრთხოება.