05, ივლისი 2017 17:07:00
7-მა ეკომიგრანტმა ოჯახმა დღეს საცხოვრებელი ფართი იუსტიციის სახლში დაირეგისტრირა. აჭარის მუნიციპალიტეტებში სხვადასხვა დროს დამეწყრილ თითოეულ ოჯახზე სახელმწიფომ 25 ათასი ლარი გამოყო. ეკომიგრანტებმა აჭარის ჯანდაცვის სამინისტროს პროგრამის „ეკომიგრანტი ოჯახების საცხოვრებლით უზრუნველყოფის“ ფარგლებში, თანადაფინანსების პირობებში ხელვაჩაურსა და ქალაქის ტერიტორიაზე შეიძინეს. კიდევ 3 ოჯახი ბინას იუსტიციის სახლში ხვალ დაიკანონებს. მიმდინარე წელს საცხოვრებელი ფართობი 41-მა ოჯახმა მიიღო. ეკომიგრანტი ოჯახების საცხოვრებლით უზრუნველყოფის პროგრამას აჭარის ჯანდაცვის სამინისტრო 2016 წლიდან თანადაფინანსებით ახორციელებს. გასულ წელს პროგრამის ფარგლებში ფართი 96-მა ეკომიგრანტმა შეიძინა.