ათასი მშობლის მარში - ამ სახელწოდების აქციით გააპროტესტეს დღეს ქვეყნის მასშტაბით ქალთა მიმართ ჩადენილი დანაშულები. გაუპატიურება, ცემა, თვითმკვლელობამდე მიყვანა - ორგანიზატორები ამბობენ, რომ სისტემური პრობლემა, სახელმწიფო ინსტიტუციების არასწორი მუშაობის, გულგრილი მიდგომების და არასათანადო რეაგირების შედეგია. აქცია ქვეყნის ყველა დიდ ქალაქში მოეწყო, აქციის თარიღად კი რვა მარტი კი სიმბოლურად შეირჩა.
„გამო, შენი შვილის გამო, ჩვენი შვილის გამო“- ამ მოწოდებით, ქობულეთის პარალელურად, აქცია კიდევ რამდენიმე ქალაქში გაიმართა. ქალთა მოძრაობამ, „ნინის გამო“, „ათასი მშობლის მარში“ სწორედ მაშინ დაგეგმა, როდესაც 14 წლის მოზარდი ტრაგიკულად დაიღუპა.
დღევანდელი აქციით, ორგანიზატორები, ქალთა მიმართ სექსუალური ძალადობის ფაქტებს გამოეხმაურნენ. მსვლელობის მონაწილეები გაუპატიურების, თვითმკვლელობის და ძალადობის გაზრდილ შემთხვევებს სახელმწიფო ინსტიტუციების ქმედით უუნარობას უკავშირებენ.
„ათასი მშობლის მარში“-ს მოწყობა, ორგანიზატორებმა, სიმბოლურად, ქალთა დღეს დაამთხვიეს. ქობულეთის, ბათუმისა და თბილისის პარალელურად აქცია, საქართველოს, თითქმის, ყველა ქალაქში მიმდინარეობდა.
აქციის მონაწილეები სისხლის სამართლის კოდექსში გაუპატიურების მუხლის ცვლილებას ითხოვდნენ. მარშის მიზანი, სექსუალური ძალადობის საქმეების ეფექტურად გამოიძიებისთვის, პროკურატურაში სპეციალიზირებული დეპარტამენტის შექმნაა. მათი ერთ-ერთი მთავარი მოთხოვნა, სქესობრივი განათლების ფორმალური განათლების ნაწილად ქცევაა, რისი საშუალებითაც, ბავშვები, სქესობრივი ძალადობის ამოცნობასა და მისგან თავის დაცვას შეძლებენ.
შეგახსენებთ, 10 თებერვალს ქობულეთში, 14 წლის გოგომ სიცოცხლე თვითმკვლელობით დაასრულა. ოჯახის ცნობით, გოგო სექსუალური ძალადობის მსხვერპლი იყო. მოგვიანებით გავრცელდა ინფორმაცია, რომ ნინიზე ოჯახის წევრებიც ფიზიკურად ძალადობდნენ.
17
s
s
s