08, მარტი 2021 21:10:00
და კიდევ ერთი სიღატაკის ზღვარს ქვემოთ მყოფი ოჯახი, რომელსაც ჩვენი ეთერის საშუალებით გაიცნობთ. ახალგაზრდა დედა, მცირეწლოვან შვილებთან ერთად, უკიდურეს სიდუხჭირეს წლებია ებრძვის, დახმარების ხელს კი არავინ უწვდის. მას შემდეგ, რაც პანდემია დაიწყო და მეუღლემ სამსახური დაკარგა, თავის გასატანად მხოლოდ 250 ლარიანი სოციალური დახმარება დარჩათ
ჩოგაძეების ოჯახი უკვე რამდენიმე წელია უკიდურეს სიღარიბეში ცხოვრობს. მშობლები 3 მცირე წლოვან შვილთან ერთად, სიცოცხლისთვის საშიშ პირობებში იმყოფებიან. ოჯახს განსაკუთრებით მაშინ გაუჭირდა, როცა ქვეყანაში პანდემია გავრცელდა.
დიასახლისს ჯანმრთელობის მძიმე მდგომარეობა აქვს. იგი ქრონიკული პაციენტია. უმცროს შვილსაც, იმის გამო, რომ დღენაკლული დაიბადა, მუდმივი სამედიცინო მეთვალყურეობა ესაჭიროება. ოჯახს კი, პატარასთვის საჭირო მედიკამენტების შესაძენი თანხა არ გააჩნია.
ოჯახის ერთადერთი შემოსავალი, 250 ლარის ოდენობის, სოციალური დახმარებაა. ამბობენ, რომ ეს თანხა საკვებისთვისაც არ ჰყონით.
ოჯახს დახმარების მსურველებმა, შეგიძლიათ, ბათუმში, რაფაელ ერისთავის 22 ნომერში ეწვიოთ.