მსოფლიოს მრავალ ქვეყანაში, სკოლებში სექსუალური განათლება დიდი ხანია ისწავლება. ზოგან შედარებით კონსერვატიული პოზიცია აქვთ და აქცენტს ქორწინებამდე სექსისგან თავის შეკავებაზე აკეთებენ, ზოგან კი უფრო დიდ ყურადღებას კონტრატეპტივებსა და მათ სწორ გამოყენებაზე. საქართველოში კი ბიოლოგიის მასწავლებლები კლასში სქესობრივ გამრავლებაზე საუბარსაც კი გაურბიან. უნდა ისწავლეობდეს თუ არა ქართულ სკოლებში სექსუალური განათლება? ჩემი კოლეგა გიამბობთ.
სექსუალური განათლება, საზოგადოების გარკვეული ნაწილისთვის, დღემდე, ტაბუ დადებულია. მიუხედავად ამისა, თემის აქტუალობა და მნიშვნელობა მაინც უდავოა. ბავშვებსა და მოზარდებზე სექსუალური ძალადობის გახშირებული ფაქტები კი, მის საჭიროებას ხაზს, კიდევ უფრო უსვამს. საქართველოში სქესობრივი განათლების დონე რომ სავალალოა, ამაზე თავად მოზარდებიც საუბრობენ. აქცენტს, სერვისების ხელმიუწვდომლობაზე აკეთებენ.
სქესობრივი განვითარება, ინტიმური ჰიგიენა, სქესთა შორის ურთიერთობები, რეპროდუქციული ჯანმრთელობა და უსაფრთხოება - ჩამოთვლილ თემებზე, მოზარდისთვის ინფორმაციის სწორი ფორმით მიწოდება განსაკუთრებით მნიშვნელოვანია. იმ ფონზე, როცა სასწავლო დაწესებულებები ამის საშუალებას არ იძლევიან, პასუხისმგებლობა მშობლებს ეკისრებათ, რადგან დიდია ალბათობა იმისა, რომ მოზარდები, სხვა წყაროებიდან შეცვლილ, დამახინჯებულ ინფორმაციას მიიღებენ.
რომელ ასაკში და რა ფორმით შეიძლება გაუზიაროთ მოზარდს ასაკისთვის შესაბამისი ინფორმაცია? ან როგორ უნდა უპასუხოთ მათ მიერ დასმულ „უხერხულ“ კითხვებს? ფსიქოლოგების თქმით, ეს პირველ რიგში, მოზარდის მოთხოვნილება უნდა იყოს. სპეციალისტი, ყურადღებას, ინფორმაციის სწორად მიწოდების უნარზეც ამახვილებს.
მშობლების მხრიდან, მოზარდებთან სექსუალურ თემებზე საუბრისას, ფსიქოლოგები, განსაკუთრებულ ყურადღებას გულახდილობაზე ამახვილებენ. სპეციალისტები გირჩევთ, არ მოუყვეთ შვილებს არარეალური ისტორიები. მაგალითად, ბავშვის გაჩენასთან დაკავშირებით წეროების, კომბოსტოებისა და სპეციალური ნემსების შესახებ.
მიუხედავად პრობლემის აქტუალობისა, საქართველოს განათლების სამინისტრო მაინც უმოქმედოდ არის. სისტემა, ადამიანის სექსუალობის შესახებ რელევანტურ სწავლებას დღემდე ვერ უზრუნველყოფს. პრობლემურია იმ საკითხების სწავლების ხარისხი და სიღრმეც, რომლებიც სასწავლო გეგმაში ოფიციალურად შედის. არა და, ალბათ სადაო არცაა, რომ სწორად ინფორმირებული მოზარდი, სექსუალური ხასიათის ძალადობისა და სხვა არასასურველი შედეგებისაგან უფრო მეტად არის დაცული.
22
s
s
s