11, მარტი 2021 21:45:00
ავარიული სახლი ბათუმში, რომელიც სავარაუდოდ მიზანმიმართულად დააზიანეს. ფშაველას ქუჩაზე მცხოვრებ დებს მანელიშვილებს ეჭვი აქვთ, რომ საცხოვრებლის სახურავი ინვესტორმა ჩამოშალა. ისინი დროულ გამოძიებას ითხოვენ.
ეს, დაზიანება სახლს, რამდენიმე კვირის წინ გაუჩნდა. მანელიშვილები ამბობენ, რომ საცხოვრებელი, გვერდით მდგარი შენობიდან, განზრახ დააზიანეს, რამაც სახურავის ჩამოინგრევა განაპირობა. ეთერ მანელიშვილი, გვიყვება, რომ მათ საკუთრებაში არსებული ფართი ინვესტორების სამიზნეა და ფაქტს, სწორედ ამ გარემოებას უკავშირებს.
საცხოვრებლის ჭერი, დების საძინებელი ოთახის თავზე ჩამოინგრა. ეთერ მანელიშვილის მტკიცებით, ეს განზრახული ქმედება, დების ლიკვიდაციისთვის იყო გამიზნული.
დები მანელიშვილები ყოველ უამინდობას შიშით ხვდებიან. წვიმის დროს სტიქიასთან გამკლავებას ამ მეთოდით ცდილობენ.
გვიყვებიან, რომ სტიქიამ საყოფაცხოვრებო ტექნიკა დაუზიანათ, უსახსრობის გამო კი, სახურავის შეკეთებას და ახლის შეძენას ვერ ახერხებენ. ამ ეტაპზე, მათი ერთადერთი იმედი, გამოძიების, დროული, დასრულება და დამნაშავის დასჯაა.
რა მუხლით მიმდინარეობს საქმეზე ძიება და რა ეტაპზეა გამოძიება? - შინაგან საქმეთა სამინისტროს პრესსამსახურისგან ინფორმაცია, მთელი დღის განმავლობაში, ვერ მივიღეთ.