23, იანვარი 2017 11:24:00
ხულოს მუნიციპალიტეტში სოციალური სახლის მშენებლობა დასრულდა. ხვალიდან კი ბენეფიციართა განაცხადების მიღება იწყება . აღნიშნულ შენობაში საცხოვრებელი ფართობით დაკმაყოფილდებიან ის მოქალაქეები, რომლებიც ეკომიგრანტ ოჯახთა ერთიან ელექტრონულ ბაზაში ირიცხებიან. მსგავსი კატეგორიის ოჯახებმა შესაბამის სამსახურს ერთი თვის ვადაში უნდა მიმართონ და წარადგინონ შემდეგი დოკუმენტაცია: გეოლოგიური დასკვნა, რამდენ წევრიანია ოჯახი, მათი პირადობის და დაბადების მოწმობების ასლები. 72 ბინიანი სოციალური სახლის მშენებლობა ეკონომიკის სამინისტრომ 2014 წელს დაიწყო.