და ქალი, რომელსაც მომდევნო რეპორტაჟიდან სხვა კუთხით გაიცნობთ, ალბათ უკვე გინახავთ ქალაქის ქუჩებში, ხალხმრავალ ადგილებში , საპროტესტო აქციებსა თუ მშვიდობიან მსვლელობებზე. მოკლედ, იქ სადაც ხალხია. ნანული დუმბაძე 58 წლისაა და თვლის, რომ მისი გააზრებული ცხოვრება ბრძოლაში გაატარა, უკეთესი მომავლისთვის ბრძოლაში. მას ზედმეტსახელად ბათუმელ ჟანა დარკსაც კი ეძახიან. რაოდენ გასაკვირადაც არ უნდა მოგეჩვენოთ ნანულის მთავარი საქმე, ქალის სილამაზეზე ზრუნვაა.
ჯერ შერჩევის და გადაწყვეტილების მიღების პროცესია. ამის შემდეგ კი მანიკურის სპეციალისტი მუშაობას იწყებს. დასუფთავება, დამუშავება და ბოლოს ლაქის წასმა. 21 წელია ამ საქმეს ემსახურება. მანამდე 12 წლიანი პაუზა იყო- ეს იმ პერიოდში, როცა ერთ-ერთ საწარმოში მკერავად მუშაობდა. ამ ყველაფერს იმდენად მიეჩვია, რომ თავის დანებებას სიცოცხლის ბოლომდე არ აპირებს.
ხალხთან 30 წელია ცხოვრობს, მთელი გააზრებული ცხოვრება. ეს ისაა, რაც ყველაზე ძალიან სიამოვნებს. განწყობა მუდმივად საბძრძოლო აქვს. სწორედ ამიტომ, ბათუმელი ჟანა დარკი შეარქვეს. იბრძვის მუდმივად, უკეთესი დღისთვის, უკეთესი მომავლისთვის, უკეთესი ქვეყნისთვის- თუმცა შედეგი ამ დრომდე არ უნახავს.
პოლიტიკაზე საუბარი კითხვებს უჩენს მომხმარებელს.
ბოლოს კი დიალოგი დღევანდელ პოლიტიკურ პროცესებთან მიდის. ნანულის, აქაც მკვეთრად გამოხატული პოზიცია აქვს. ამას არც მალავს.
ვერ ვიტყვით, რომ ნანულის და ნონას პოლიტიკური გემოვნება ერთმანეთს ემთხვევა, თუმცა ფაქტია,რომ მანიკურის კეთების პროცესი სასიამოვნო გარემოში მიმდინარეობს.
საუბრის თემა ბრძოლის მიღმა ვერ მიდის. ამიტომაც, მოულოდნელად კითხვა პირადზეც დავუსვით. ამბობს, რომ ოჯახი არ შექმნა. ნანობს.
58 წლის ნანულის მომავლის გეგმაც უკეთესი მომავლისთვის ბრძოლაა.
149
s
s
s