31, მარტი 2021 21:30:00
რამდენი უსინათლო ან მცირემხედველი მოზარდი ცხოვრობს ქობულეთში, მუნიციპალიტეტმა აღრიცხვის გადაწყვეტილება მიიღო. ქობულეთის მერიამ, ზომები უნდა მიიღოს იმისთვის, რომ შეზღუდული შესაძლებლობის მქონე ბავშვებისთვის განათლება მეტად ხელმისაწვდომი გახდეს. ინიციატივით, არასამთავრობო ორგანიზაციამ მიმართა. ქობულეთის საკრებულომ, დღეს გასული წლის ბიუჯეტიც შეაჯამა. სხდომას სალომე უსტალიშვილი ესწრებოდა.
ქობულეთში, რეგისტრირებული ყველა უსინათლო ან მხედველობის პრობლემების მქონე მოზარდის, იდენტიფიცირება იწყება. გადაწყვეტილება საკრებულოს სხდომაზე მიიღეს. სამუშაო ჯგუფი, რომელიც შეზღუდული შესაძლებლობების მქონე პირების საჭიროებებს შეისწავლის, უკვე ჩამოყალიბდა.
შშმ პირებისთვის განათლების შესაძლებლობის ადგილზე მისაღებად, ქობულეთში, სკოლების სპეციალური მოწყობილობებით აღჭურვა იგეგმება. ინიციატივით საკრებულოს „უსინათლოთა ხმის“ დირექტორმა, რამდენიმე კვირის წინ მიმართა.
მუნიციპალიტეტის საკრებულოს სხდომაზე, ერთ-ერთ საკითხად, ფრაქცია, “ერთიანი ნაციონალური მოძრაობა-ქრისტიან კონსერვატიულის“დაშლაც განიხილეს. მიზეზი, საკრებულოს ორი წევრის, უფლებამოსილების შეწყვეტა გახდა. გადაწყვეტილების შედეგად ოპოზიციონერი წევრები, საარჩევნო კოდექსის, 30-ე მუხლს ვეღარ აკმაყოფილებდნენ, რის თანახმადაც ფრაქცია, არანაკლებ სამი წევრისგან უნდა შედგებოდეს.
ქობულეთის საკრებულოს, ახალი წევრიც ჰყავს. „ნაციონალური მოძრაობის“ კვოტით, ბონდო თედორაძე სოლომონ ბაჯელიძემ ჩაანაცვლა.
სიტყვიერი დაპირისპირება მოჰყვა, გასული წლის ბიუჯეტის განხილვას. ოპონენტებს, მმართველი გუნდის მიმართ, არაერთი შენიშვნა ჰქონდათ. მერაბ ცინცაბაძის თქმით, პანდემიის ფონზე, მოქალაქეებისთვის ერთჯერადად გადაცემული 200 ლარიანი ვაუჩერი არასაკმარისია.
გასულ წელს, მუნიციპალიტეტის ბიუჯეტის შემოსავლებმა, გადაჭარბებით 400-ათასი ლარი შეადგინა. მერის, მირიან ქათამაძის თქმით ხარჯვით ნაწილში, ათვისების პროცენტული მაჩვენებელიც მაღალია. ოპონენტების შენიშვნებს უსაფუძვლოს უწოდებს და ამბობს, რომ მოქალაქეები დახმარებით კმაყოფილნი არიან.
მუნიციპალიტეტის, გასული წლის, პროგრამული ბიუჯეტის წლიური ათვისების მაჩვენებელი 92 პროცენტს შეადგენს.