მიუსაფარი ძაღლების გაზრდილი რაოდენობა ბათუმში. მარჩენალის გარეშე დარჩენილ ოთხფეხა მეგობრებს, ქალაქის თითქმის ყველა ცენტრალურ ნაწილში იპოვით. უმეტესობას არც ყვითელი ნიშანი აქვს, რომ გარკვეულწილად მათ უსაფრთხოებაზე მიგვანიშნებდეს. თვითგადარჩენისთვის მებრძოლები, თავს განსაკუთრებით, კვების ობიექტებთან ან იმ საცხოვრებელ სახლებთან იყრიან, სადაც საკვები ეგულებათ. მიუსაფარი ცხოველების მოვლა-პატრონობა გარდა მოქალაქეებისა, ბათუმის მერიის ვალდებულებაა, სადაც ამტკიცებენ, რომ მათზე ყოველდღიურად ზრუნავენ.
პარკში, ავტობუსის გაჩერებასთან, ფანჩატურში თუ უბრალოდ ქუჩაში -მიუსაფარ ძაღლებს ყველგან შეხვდებით. არის გარკვეული ადამიანების კატეგორია, რომლებსაც მიუსაფარი ცხოველები დისკომფორტს უქმნიან. ირწმუნებიან, რომ ქუჩაში მცხოვრები ცხოველები აგრესიით გამოირჩევიან. ბათუმში მცხოვრებლები საუბრობენ იმზეც, რომ ტურისტული ქალაქში მსგავსი ვითარება არუნდა იყოს და ამის გამოსწორებაზე სახელმწიფო უწყებებმა უნდა იზრუნონ.
თუმცა, არიან ისეთებიც, ვინც მიუსაფარი ცხოველების მიმართ განსაკუთრებული მზრუნველობით გამოირჩევიან. სამოქალაქო პასუხმგებლობას იჩენენ და ოთხფეხა მეგობრებს აპურებენ. ბათუმში მცხოვრები, ხვიჩა ზარანდიას თქმით, მხოლოდ, საკვები არ კმარა, და რომ ძაღლებს თავშესაფარი და მზრუნველობა სჭრდებათ.
ის, რომ პრობლემა მოუგვარებელია და წლების განმავლობაში მიუსაფარი ცხოველების რაოდენობა, უფრო და უფრო, მზარდია, სადაო არავისთვისაა. ცხოველთა მოყვარულები ამბობენ, რომ სახელმწიფომ ისეთი სტრუქტურა უნდა შექმნას, რომელიც, თითოეული მოქალაქის პარტონობაში მყოფი ცხოველის მონიტორინგს განახორციელებს. თეონა ყურშუბაძის თქმით, მსგავსი ორგანიზება ცხოველთა თვითნებურ, უკონტროლო მიტოვებას აღმოფხვრის.
ბოლო პერიოდის განმავლობაში, ვითარება, ყველაზე მეტად, ბათუმში არსებულ ნაგავსაყრელზე დამძიმდა. ადგილზე დაახლოებით სამასამდე მიუსაფარი ცხოველია. მოქალაქეები, რომლებიც ძაღლებზე უსასყიდლოდ ზრუნავენ, სახელმწიფოს დახმარების თხოვნით მიმართავენ. თემურ მახარაძე ამბობს, რომ მას და მის მეგობრებს საკუთარი ძალებით პრობლემასთან გამკლავება, თანდათანობით, ურთულდებათ.
თემურ კახიძე- ვეტერინალური კლინინიკის მფლობელი
არსებული ვითარების ფონზე, ბათუმის მუნიციპალური სერვისების სააგენტოში ირწმუნებიან, რომ თითოეულ მიუსაფარ ცხოველზე ყოვედღიურად ზრუნავენ. ნუგზარ ცეცხლაძე ამბობს, რომ მერია კონტრაქტორ კომპანიასთან ერთად, წელიწადში, 4500 ცხოველის მოვლა-პარტონობას ახორციელებს.
ქუჩებში, მიუსაფარ ცხოველთა მზარდი ტენდენციის აღმოსაფხვრელად, რას აკეთებს მერია? უწყებაში ამბობენ, რომ ამის წინაპირობა, მოქალაქეთა პასუხისმგებლობაა. ცოფის საწინააღმდეგოდ, ჯერ-ჯერობით, ქალაქში არსებული, უპატრონო ძაღლების, მხოლოდ მეხუთედია აცრილი.
242
s
s
s