დაახლოებით 1 თვეში ცეცხლაურში მოწყობილი ნაგავსაყრელი ექსპლუატაციაში უნდა შევიდეს. ამის პარალელურად კი, ბათუმსა და ქობულეთში მოქმედი პოლიგონები უნდა დაიხუროს. რას გეგმავს სახელმწიფო იმ ტერიტორიებზე, სადაც ნარჩენები ახლა იყრის თავს? მაცნე დღეს, ე.წ. გონიოს ნაგავსაყრელზე იმყოფებოდა. როგორც აღმოჩნდა, აჭარის ფინანასთა და ეკონომიკის სამინისტრო იქ, რეკრეაციული ზონის მოწყობას გეგმავს.
ნათელა ბერიძე, ამ ტერიტორიაზე 35 წლის წინ, თვითნებურად დასახლდა. ეკონომიკური სიდუხჭირის გამო, საცხოვრებლის შეცვლას, დღემდე, ვერ ახერხებს. გვიყვება, რომ ამ დროის განმავლობაში ხელისუფლებას დახმარების თხოვნით, არაერთხელ მიმართა, თუმცა, მისი მდგომარეობით არავინ დაინტერესებულა. ტერიტორიის ნარჩენებისგან გათავისუფლებას მიესალმება, მაგრამ, შიშობს, რომ ეკონომიკის სამინისტროს ბალანსზე არსებული მიწიდან, აქ მცხოვრებლებსაც გაასახლებენ.
ნაგავსაყრელის ტერიტორიაზე, 30-მდე ოჯახი ცხოვრობს. პირობები ჯანმრთელობისთვის შეუსაბამო და საფრთხის შემცველი რომააკარგად იციან, თუმცა,ალტერნატიული საცხოვრებელი არ აქვთ. იმ შემთხვევაში, თუ კი, პოლიგონის დახურვის შემდეგ, მმართველი გუნდი, მათ გასახლებას გადაწყვეტს, უსახლკაროდ დარჩებიან.
ეს ტერიტორია ნარჩენებისგან, მაშინ გათავისუფლდება, როცა სოფელ ცეცხლაურში არსებული ნაგავსაყრელი ექსპლუატაციაში შევა. რა გეგმები აქვს აჭარის ფინანსთა და ეკონომიკის სამინისტროს ამ ადგილთან დაკავშირებით?უწყებაში გვითხრეს, რომ აქ რეკრეაციული ზონა მოეწყობა. თუმცა, რა ვადებში მიეცემა დასახულ გეგმას საბოლოო სახე, ვერ აზუსტებენ.
რაც შეეხება თვითნებურად დასახლებულებს, მინისტრის მოადგილის თქმით, მათ გასახლება არ ემუქრებათ. პირიქით, თორნიკე კუჭავა, თავს იწონებს, რომ სარეკრეაციო ზონის შექმნით, ადგილობრივების საცხოვრებელი პირობები გაუმჯობესდება.
ადგილზე რომ რეკრეაციული ზონა უნდა აშენდეს, ამას ხელისფულებას IBRD-თან გაფორმებული ხელშეკრულება ავალდებულებს. ეკოლოგების შეფასებით, ტერიტორიის სხვა მიზნისთვის გამოყენება პრაქტიკულად შეუძლებელია. კახა გუჩმანიძის თქმით, ნარჩენებისგან მიღებული ეკოლოგიური ზიანის საბოლოოდ აღმოფრხვრას, ამ გზითაც კი, რამდენიმე ათეული წელია დასჭირდება.
ბათუმის ნაგავსაყრელმა ფუნქციონირება 1965 წლიდან დაიწყო. მისი ფართობი თავდაპირველად 19 ჰექტარი იყო. თუმცა, მოცულობა ეტაპობრივად იზრდებოდა. ამ წლების განმავლობაში, პოლიგონის გაუქმების მოთხოვნით, არაერთი საპროტესტო აქციაც გაიმართა.
36
s
s
s