08, აპრილი 2021 21:30:00
მესამე ტალღის საფრთხის მიუხედავად მოქალაქეებს ვირუსის არსებობა კვლავ ეეჭვებათ. ინფიცირების შემთხვევების მატების პარალელურად, რამდენად გასაკვირიც არ უნდა იყოს, საზოგადოებაში რეგულაციების უგულებელყოფაც იზრდება. ისევ დაუცველია პირბადის ტარების წესი, სოციალური დისტანცია და სხვა რეკომენდაციები. რამ გამოიწვია ინფიცირების მზარდი სტატისტიკა? და უკავშირდება თუ არა აღნიშნული საზოგადოების მხრიდან სიფრთხილის მოდუნებას?
კორონავირუსის მზარდი სტატისტიკის მიუხედავად, მოქალაქეების დიდ ნაწილში, კვლავ, მსგავსი განწყობებია. ბათუმში მდებარე, ერთ-ერთი, მარკეტის მფლბელი, კითხვაზე თუ რატომ აძლევს მომხმარებლებს დახურულ სივრცეში პირბადის გარეშე შესვლის უფლებას, ასე გვპასუხობს. საზოგადოების უმეტესობას, მესამე ტალღის საფრთხის მიუხედავად, კორონავირუსის არსებობის, ისევ, არ სჯერა.
რეგულაციების უგულვებელყოფის მსგავსი ფაქტი, ქალაქის მასშტაბით, არსებულ უამრავ ობიექტზე გვხვდება. იდენტური სიტუაციაა ტრანსპორტშიც. ისევ დაუცველია პირბადის ტარების წესი, სოციალური დისტანცია და სხვა რეკომენდაციები. შეზღუდვების იგნორირებას არ უარყოფენ , თავად, მოქალაქეებიც.
აჭარაში, ბოლო სამ დღეში ინფიცირების 211 შემთხვევა გამოვლინდა. ვირუსმა, გუშინ, 28 წლის ქალის სიცოცხლეც იმსხვერპლა. გახსნილი სკოლებიც ეტაპობრივად, ისევ, დისტანციურ სწავლებაზე გადადის. ამის მიუხედავად, ბათუმში მცხოვრებლები, კვლავ, ასე ფიქრობენ.
ფაქტია, რომ ვითარება რთულდება, თუმცა, მოქალაქეების უმეტესობას ვირუსის არსებობა ეეჭვება ან ანტივაქსერია.
ბოლო, რამდენიმე, თვის მონაცემებით კოვიდ დადებითი შემთხვევები საგრძნობლად შემცირებული იყო. თუმცა, ამ კუთხით, მაჩვენებლი დღითიდღე იმატებს. რამ გამოიწვია ინფიცირების მზარდი სტატისტიკა? და უკავშირდება თუ არა აღნიშნული საზოგადოების მხრიდან სიფრთხილის მოდუნებას? სპეციალისტი ასე გვპასუხობს.
ბოლო 24 საათის განმავლობაში, დაწესებული შეზღუდვების დარღვევის ათას 642 ფაქტი გამოვლინდა. მიუხედავად იმისა,რომ ყოველ მომდევნო დარღვევაზე სანქციები მზარდია, დაჯარიმების შემთხვევების მატება მეტყველებს, რომ ამ მიმართულებით არსებული პოლიტიკა, არაეფექტურია.