მოლოდინები გამართლდა - ბულვარის დირექტორი ხმამაღალი განცხადებისთვის „დასაჯეს“. ირაკლი ჯინჭარაძეს თანამდებობა ისე დაატოვებინეს, რომ ამის შესახებ მან ტელევიზიიდან გაიგო. ზღვისპირა პარკის უკვე ყოფილი ხელმძღვანელი დღეს ღიად საუბრობს მისი გათავისუფლების პოლიტიკურ მოტივებზე. გაწირეს თუ არა განსხვავებული აზრის გამო - კითხვაზე კატეგორიული უარი აქვთ ადგილობრივ ხელისუფლებაში. არადა სახალხო დამცველმა სავარაუდო დისკრიმინაციის ფაქტის შესწავლა უკვე დაიწყო. მთავრობაში კი ჯიუტად ამტკიცებენ, რომ ჯინჭარაძე აუდიტის მიერ აღმოჩენილი ხარვეზების გამო გაუშვეს. ფინასური დარღვევა თუ პოლიტიკური ანგარიშსწორება?კითხვაზე პასუხი ნათელია, თუმცა საკადრო გადაწყვეტილებაზე ვინ რას იტყვის, როგორც ჩან,ს თორნიკე რიჟვაძეს არ აწუხებს . მთავრობის თავმჯდომარე მუშაობის პრინციპს არ ცვლის: ძაღლი ყეფს, ქარავანი მიდის.
როგორც ჩანს, მთავრობის თავმჯდომარეს, ირაკლი ჯინჭარაძემ იმედები ვერ გაუმართლა. კადრს, რომელსაც რიჟვაძე გამოცდილს, წესიერსა და კეთილსინდისიერს უწოდებდა, დღეს მმართველი გუნდი ნდობას აღარ უცხადებს. შესაბამისად, ბულვარის დირექტორი მართვის სადავეებს ჩამოაშორეს.
თითქმის სამ წლიანი თანამშრომლობა ირაკლი ჭინჭარაძისთვის დღეს ასე დასრულდა, თუმცა, მისივე თქმით, დასრულდა, მხოლოდ ბულვარის ადმინისტრაციაში. ყოფილმა დირექტორმა განაცხადა, რომ არსად წასვლას აპირებს და ბულვარის ინტერესებს, სამოქალაქო აქტივისტის სახელით დაიცავს.
ოფიციალური ინფორმაციით, ჯინჭარაძეს თანამდებობა სახელმწიფო აუდიტის დასკვნის საფუძველზე დაატოვებინეს. მიზეზი, ბულვარის ყოფილი დირექტორისთვის სრულიად მიუღებელია და გადაწყვეტილების გასაჩივრებას აანონსებს. ჭინჭარაძე დარწმუნებულია, რომ თანამდებობიდან, საკრებულოში, რამდენიმე კვირის წინ, მის მიერ გაკეთებული სკანდალური განცხადების გამო გაათავისუფლეს. ალბათ გასაკვირი არცაა, რადგან მოლოდინი, რომ დაკავებულ პოზიციას ჩამოაშორებდნენ, იმ დღიდანვე გაჩნდა.
ყოფილმა ხელმძღვანელმა დღეს, ისიც თქვა, რომ მმართველი გუნდის წევრებთან, საერთო პოზიციაზე თანხვედრაში კიდევ რამდენიმე თემაზე ვერ მივიდა. მათ შორის იყო ბათუმის ბულვარში მიმდინარე ამბასადორის მშენებლობის საკითხიც.
ირაკლი ჯინჭარაძეს თანამდებობა მის მიერ გაკეთებული განცხადების გამო რომ დაატოვებინეს, ეჭვი არ ეპარებათ სამოქალაქო სექტორში. ამბობენ, რომ ბულვარის ყოფილი დირექტორი, მმართველი გუნდის პოლიტიკურ დევნასა და რეპრესიულ რეჟიმს შეეწირა.
თუ კი დამნაშავე იყო, რატომ არ გაათავისუფლეს თავის დროზე და რატომ დაატოვებინეს დაკავებული პოზიცია, სკანდალური განცხადებიდან 12 დღის შემდეგ? მმართველ გუნდში დღეს, მხოლოდ იმის თქმა შეუძლიათ, რომ პროცესები, ერთმანეთს, უბრალოდ, დროში დაემთხვა. უფრო მეტიც, ამტკიცებენ, რომ ყოფილმა დირექტორმა, სავარაუდო გათავისუფლების შესახებ იცოდა და ეს განცხადება, მოსახლეობაში, იმიჯის ასამაღლებლად გააკეთა.
„ქართული ოცნება“ განსახვავებული აზრის მქონე საჯარო მოხელეების მიმართ პოლიტიკურ დევნას აგრძელებს და ვიდრე, თორნიკე რიჟვაძეც ამ პრინციპით მუშაობს ....
6
s
s
s