14, აპრილი 2021 21:45:00
ოჯახი სოფელ ლეღვაში, რომელიც მეწყერსაშიშ ზონაში ცხოვრობს, თუმცა ქობულეთის მერია ვერაფრით ეხმარება. მუნიციპალიტეტში ამბობენ, რომ ბიუროკრატია, ამის შესაძლებლობას არ იძლევა. საქმე იმაშია, რომ შაქარაძეებმა სახლი რამდენიმე წლის წინ იყიდეს, თუმცა საფასურის მხოლოდ ნაწილი გადაიხადეს, რის გამოს ვერ ირეგისტრირებენ.
სულ რაღაც ერთი თვის წინ, შაქარაძეების საცხოვრებელს, ეს ბზარები არ ჰქონდა. ოჯახისთვის, ცხოვრება, სახიფათო მას შემდეგ გახდა, რაც მეწყრული პროცესები გააქტიურდა. შაქარაძეებს ეშინიათ, ექვსი თვის წინ, სოფელ ჯოჭოში დატრიალებული ტრაგედია არ გაიზიარონ.
მეწყრული პროცესის შესაჩერებლად, სოფელ ლეღვას გამგეობამ საცხოვრებლის ერთ მხარეს ჯებირი ჩამოასხა, თუმცა არავის აქვს მოლოდინი, რომ ეს კედელი, ოჯახს უბედური შემთხვევისგან დააზღვევთ, რადგან, ნაპრალები, ყოველი გაწვიმების შემდეგ უფრო და უფრო იზრდება.
ოჯახი, დახმარებას, ქობულეთის მერიას სთხოვს, თუმცა მუნიციპალიტეტი მათ უარით ისტუმრებს. საქმე იმაშია, რომ შაქარაძეები სახლის მეპატრონეები არ არიან. აღნიშნული საცხოვრებელი, მათ ოთხი წლის წინ შეიძინეს, თუმცა თანხის მხოლოდ ნაწილი აქვთ გადახდილი, რის გამოც მეპატრონე საკუთრებაში არ უფორმებს.
ქობულეთის მერიამ, შაქარაძეების პრობლემაზე წერილობითი განმარტება გამოგვიგზავნა.
შაქარაძეების პრობლემას ამით არ სრულდება, მათ უკვე სამი თვეა სოციალური დახმარება შეუწყვიტეს. რატომ? არც თავად იციან და სოციალური მომსხურების სააგენტოში არც ჩვენ გვიპასუხეს.