12, ივლისი 2017 17:10:00
„ნაციონალური მოძრაობა“ მთავრობის თავმჯდომარეს კორუფციულ გარიგებაში ადანაშაულებს. ოპოზიციური პარტიის წარმომადგენელმა დღეს ხიმშიაშვილის და კობალაძის ქუჩების კვეთაში მდებარე არასასოფლო სამეურნეო დანიშნულების მიწის ნაკვეთის პრივატიზების ფაქტი გააპროტესტა. რეზო ხარაზის თქმით, 13 ათასამდე კვადრატული მეტრი ფართის საწყისი ღირებულება 4 მილიონ 100 ათასი ლარია, რაც კვადრატულ მეტრზე მხოლოდ 316 ლარს შეადგენს. პარტიის წევრი ირწმუნება, რომ ტერიტორიის დაბალ ფასად გაყიდვა კორუფციულ სქემაზე მიანიშნებს. ხარაზი ზურაბ პატარაძეს აუქციონის შეწყვეტისკენ მოუწოდებს. იგი სახელმწიფო აუდიტის სამსახურსაც მიმართავს, რათა ნაკვეთის ღირებულება ხელახლა განისაზღვროს.