პრეზიდენტი მზადაა, "მთავარი არხის“ მეწილე გიორგი რურუა, გარკვეული პირობებით შეიწყალოს. ამის შესახებ, სალომე ზურაბიშვილმა განაცხადა. მისი თქმით, თუ პარტიები შეთანხმებას მიაღწევენ და პარლამნეტში შევლენ, ამ გადაწყვეტილების მისაღებად მზად არის. გიორგი რურუას პატიმრობიდან გათავისუფლება ერთ-ერთი მოთხოვნა იყო, რასაც ოპოზიცია ხელისუფლებას პარლამენტში შესვლის წინაპირობად უყენებდა. რურუას, თბილისის საქალაქო სასამართლოს გადაწყვეტილებით 4-წლიანი პატიმრობა აქვს მისჯილი.
პოლიტპატიმრებად შეფასებული პირები, ხელისუფლებასა და ოპოზიციას შორის შეთანხმების გაფორმებიდან, ერთი კვირის ვადაში, უნდა გათავისუფლდნენ. ასეთია, შარლ მიშელის მიერ მომზადებული ახალი დოკუმენტის პირველი პუნქტი. ევროპული საბჭოს პრეზიდენტის 18 აპრილის შეთავაზების მიხედვით,ხელისმომწერები ვალდებულებას იღებენ, ამ შეთანხმების ხელმოწერიდან ერთი კვირის ვადაში, რეაგირება მოახდინონ პოლიტიზებულ მართლმსაჯულებად აღქმულ ორ საკითხზე, ამნისტიის საშუალებით ან ისეთი ზომების მიღებით, რომელიც ანალოგიურ შედეგს გამოიღებს.
ევროპული საბჭოს პრეზიდენტის, შარლ მიშელის, მიერ წარმოდგენილი დოკუმენტი, სადაც პოლიტპატიმრების საკითხია მოცემული, ნიკა მელიას ადვოკატის შეფასებით,რისკებს შეიცავს. გიორგი კონდახიშვილი ამბობს, რომ მელიას პოზიცია უცვლელია და ის ოცნებასთან საკუთარი თავისუფლებით ვაჭრობას არ აპირებს.
შარლ მიშელის დოკუმენტს ეხმაურება სამოქალაქო მოძრაობა სირცხვილია. 20 ივნისის მოვლენების მთავარი ფიგურატები დოკუმენტს მიესალმებიან, თუმცა, ამბობენ, რომ შემოთავაზებული ამნისტია საჯარო მოხელეებზე არ უნდა გავრცელდეს.
შარლ მიშელის ახალი შეთავაზების შემდეგ ჯერ-ჯერობით გაურკვეველია გიორგი რურუას ბედიც. „მთავარი არხის“, ერთ-ერთი, მეწილის გათავისუფლების საკითხი ახლა მმართველ-გუნდსა და ოპოზიციას შორის შეთანხმებაზეა დამოკიდებული. იმ შემტხვევაში, თუ მხარეები პოლიტიკურ კომპრომისს მიაღწევენ, პრეზიდენტი რურუას შეიწყალებს.
„ქართული ოცნების“ განცხადებით, პატიმრებთან დაკავშირებით მათი გადაწყვეტილება, იმ აუცილებელ პირობას ეფუძნება, რომ მომავალში ნებისმიერ სისხლის სამართლებრივ საქმეში პოლიტიკური ჩარევა გამოირიცხება. მმართველ გუნდში ამბობენ, რომ ხაზარაძე-ჯაფარიძემ გამოძიების დაწყების შემდეგ პოლიტიკურ სტატუსს "შეაფარეს თავი", ხოლო, ნიკა გვარამიამ - ჟურნალისტურ საქმიანობას.
„ქართული ოცნება“ მალე კონსტიტუციაში ჩამწერს - ასე პასუხობს, ამ განცხადებას, სოციალურ ქსელში, ნიკა გვარამია. განცხადების მთავარ ადრესატებს უჭირთ პროგნოზირება, როგორ გაგრძელდება სასამართლო პროცესები
ცვლილებების მხარდასაჭერად ოპოზიციური პარტიების პარლამენტში შესვლაა აუცილებელი. ამ ფონზე, პოლიტპატიმრების ბედი, ჯერ ისევ, ბუნდოვანია. მოაწერენ თუ არა ხელს შარლ მიშელის ახალ დოკუმენტს - მხარეებს, საბოლოო გადაწყვეტილება, ჯერ კიდევ არ მიუღიათ.