ინდოეთში ეპიდვითარება უკიდურესად დამძიმდა. თითქმის ყველა ქუჩაზე ადამიანების მასობრივი კრემაცია მიმდინარეობს. ქვეყნის საავადმყოფოებში ჟანგბადისა და თავისუფალი საწოლების დეფიციტია. ინდოეთს სასუნთქი აპარატებით, სამედიცინო ინვენტარითა და ვირუსის საწინააღმდეგო ვაქცინის პრეპარატებით, სხვადასხვა ქვეყანა დააეხმარება. აქვე გეტყვით, რომ ,ბოლო დროს ინდოეთში ყოველდღე კორონავირუსის 300 ათასზე მეტი შემთხვევა ფიქსირდება.
ეს უმძიმესი კადრები კი ქალაქ გაზაიბადშია გადაღებული, სადაც კოვიდინფიცირებული პაციენტები საავადმყოფოებთან მანქანებით მიჰყავთ, თუმცა მათთვის კლინიკებში ადგილები არ იძებნება. მძიმე პაციენტების დახმარება ექიმებს მანქანებშივე უწევთ, მაგრამ მათი სიცოცხლის გადასარჩენად ჟანგბადის მარაგიც უკვე ამოწურული აქვთ.
ანალოგიური ვითარებაა ჯაიპურის კოვიდკლინიკაში. რესურსების დეფიციტის გამო ვითარება კონტროლს აღარ ექვემდებარება. გარდაცვლილთა ოჯახის წევრები კლინიკის ხელმძღვანელობას კრიზის მართვის უუნარობაში ადანაშაულებენ.
მსოფლიოსთვის მთავარ საფრთედ ახლა სწორედ ინდოეთში გავრცელებული შტამი სახელდება. სახეცვლილი ვირუსი სამხრეთაფრიკული და ბრაზილიური შტამის ერთგვარი კომბინაციაა, რომლებიც ძველ ვარიანტთან შედარებით 50 %-ით გადამდებია და ფილტვებსაც უფრო სწრაფად და მძიმედ აზიანებს. ჯერ არც იმის მეცნიერული მტკიცებულება არსებობს, რომ მის წინააღმდეგ ვაქცინა ეფექტიანია, თუმცა ქვეყნის პრემიერ-მინისტრი გამოსავალს სწორედ იმუნიზაციაში ხედავს, დელის მთავარი მინისტრი კი უკანასკნელ იარაღად ლოქდაუნის გახანგრძლივებას მიიჩნევს.
მსოფლიო ინდოეთის დახმარების მიზნით ერთიანდება. გაერთიანებულმა სამეფომ ქვეყანაში 495 ჟანგბადის კონცენტრატი, 120 არაინვაზიური აპარატი და 20 ხელოვნური სუნთქვის აპარატი გაგზავნა. ჟანგბადითა და მედიკამენტებით ინდოეთს ევროკავშირიც დაეხმარება. შეერთებული შტატები კი ქვეყანას ვაქცინების წარმოებისათვის საჭირო მასალებს მიაწვდის.
ეს ქალაქი დელია. ინდოეთის დედაქალაქი, რომელიც ბოლო დღეებში ერთ დიდ კრემატორიუმად იქცა. კორონავირუსით გარდაცვლილთა ცხედრებს ახლა პირდაპირ ქუჩებში წვავენ. ქალაქში ადგილები აღარც მიცვალებულებისთვის კრემატორიუმებში და აღარც ცოცხლებისთვის საავადმყოფოში აღარ არსებობს. მხოლო დელიში ყოველ 45 წუთში ერთი ადამიანი კვდება. 320 ათასზე მეტი ინფიცირებული და 3 ათასამდე გარდაცვლილი ბოლო 24 სააათში, ინდოეთი კოვიდ-19 ის ახალი შტამით ვირუსის გავრცელების ეპიცენტრად იქცა.
5
s
s
s