30, აპრილი 2021 17:20:00
„ასეთი საჯარო მოხელე ჩამოშორებული იქნება სამსახურეობრივ საქმიანობას“- ასე გამოეხმაურა აჭარის მთავრობის თავმჯდომარე ხელვაჩაურის მუნიციპალიტეტის მერიაში დასაქმებული, ადმინისტრაციის უკვე ყოფილი უფროსის თანამდებობიდან გაშვების ფაქტს. თორნიკე რიჟვაძის თქმით, რეაგირება მსგავს შემთხვევებზე ყოველთვის იქნება. ვისი გადაწყვეტილება იყო მირზა ბახტაძის უწყებას ჩამოშორება, მთავრობის თავმჯდომარემ არ დააკონკრეტა, თუმცა, თქვა, რომ მთავარი შედეგია, რომელიც დაუყონებლივ დადგა. შეგახსენებთ, "TV 25"-ის სიუჟეტის შემდეგ, ხელვაჩაურის ადმინისტრაციის უფროსს თანამდებობა დაატოვებინეს. საქმე ოჯახში ძალადობის ფაქტს ეხება, რომლის დეტალები „მაცნესთვის“ ექსკლუზიურად, გახდა ცნობილი. ბახტაძე, ცოლმა, ფიზიკურ და ფსიქოლოგიურ ანგარიშსწორებაში დაადანაშაულა.
5
s
s
s