03, მაისი 2021 21:45:00
უკვე მეორე წელია, ჭირისუფალს შეზღუდული აქვს უფლება, გარდაცვლილს ქრისტეს აღდგომა საფლავზე მისვლით ახაროს. იგი, ვინც კოვიდ 19-ის გავრცელების პრევენციის მიზთ დაწესებულ შეზღუდვას არ დაემორჩილება და ექნება თუნდაც სასაფლაოზე შესვლის მცდელობა, ორი ათასი ლარით დაჯარიმდება. ქვეყნის მასშტაბით, მათ შორის ბათუმში არსებულ სასაფლაოებთან, საპარტულო და კრიმინალური პოლიციის ეკიპაჟები იყო მობილიზებული. შეზღუდვა, ოთხი მაისის ჩათვლითაა ძალაში. რა ხდებოდა დღეს საასფლაოებთან, სალომე უსტალიშვილი გვეტყვის.
2021 წლის, აღდგომის დღესასწაულზე საფლავზე კვერცხის გაგორების რიტუალი, მხოლოდ, ამ გზითაა შესაძლებელი. ერთ-ერთმა მოქალაქემ, სააღდგომო ტრადიცია არ დაარღვია და პროცესი ისე განახორციელა, რომ სანქციაც თავიდან აიცილა. სხვა შემთხვევაში, საკუთარი მიცვალებულის განსასვენებლის მონახულება, ორი ათასი ლარი დაგიჯდებათ.
მაგალითად, ფერიის დასახლებაში არსებულ სასაფლაოზე ოცამდე საპარტულო და კრიმინალური პოლიციის ეკიპაჟია მობილიზებული. მიმდებარე ტერიტორიაზე მოძრავ მოქალაქეებს გომელაურის უწყება საგულდაგულოდ ამოწმებს და აფრთხილებს, რომ საფლავზე შესვლის მცდელობის შემთხვევაშიც დააჯარიმებენ.
ბათუმში არსებულ სასაფლაოები, მიცვალებულთა ხსენების დღეს ასე გამოიყურება. .პანდემიის გავრცელების თავიდან ასაცილებლად, აღდგომის დღესასწაულზე საფლავები გასულ წელსაც დაკეტილი იყო, თუმცა, საქართველოს ისტორიაში წელს, პირველად, სანცქციაა დაწესებული. მოქალაქეების ნაწილი ამბობს, რომ თუ საფლავზე ვერა, დღესასწაულის აღსაღნიშნავად, სახლებში მაინც შეიკრიბებიან, ნაწილი კი, დაწესებულ რეგულაციებს დადებითად აფასებს.
სასაფლაოზე შესვლის მცდელობა, „ერთიანი ნაციონალური მოძრაობის“ წევრს საკმაოდ ძვირი დაუჯდა. ელგუჯა ბაგრატიონი ირწმუნება, რომ პოლიციამ მანამდე დააკავა, ვიდრე ტერიტორიაზე შევიდოდა. ამტკიცებს, რომ გომელაურის უწყებასთან უთანხმოება, გარდაცვლილი მეხანრე-მაშველის, თორნიკე კიპაროიძის, მეუღლის დახმარების მცდელობის გამო მოუხდა.
სასაფლაოზე მისვლა და მიცვალებულთათვის პატივის მიგება, 2000 ლარად, უწყებათაშორისმა საკოორდინაციო საბჭომ, მიმდინარე წლის 26 აპრილს შეაფასა. შეზღუდვა, მხოლოდ, დაკრძალვის პროცესს არ ეხება.