ისტორია ძაღლზე, რომელმაც ქართულ, რთულ ცხოვრებას თავი დააღწია და ამერიკულ ზღაპარში მოხვდა. ეს, რა თქმა უნდა ყველას გაგიკვირდებათ, თუმცა ამბავი რეალურია. ყველაფერი კი ბათუმში, თამარის დასახლებიდან დაიწყო, სადაც ძაღლი, სახელად ისაკი, ქუჩაში იპოვეს ის ამერიკაში მცხოვრებმა ცხოველების მოყვარულმა კეთილმა ადამიანმა აღმოაჩინა. ასე შეიცვალა ისაკის ყოველდღიურობა მოულოდნელად. ახლა ის მაიამიში, ფუფუნებაში ცხოვრობს.

დალმატინელის ჯიშის ძაღლი, რომელიც საქართველოში, ქუჩაში უპატრონოდ ცხოვრობდა, დაახლოებით ერთი თვის წინ, ამერიკის შეერთებულ შტატებში გაემგზავრა. "ისააკს" ბევრისთვის ნანატრი ოცნება აუხდა და ის, ახლა, ასეთ პირობებში, მაიამიში, ცხოვრობს. ქუჩიდან, პირდაპირ ამერიკულ მზრუნველობაში მოხვედრილ ოთხფეხა მეგობარს, სახელიც, ახალმა ოჯახმა შეურჩია.

მუსაფარი ცხოველი, რომელიც ძალიან ცუდად იყო და სულ რაღაც 13 კილოს იწონიდა, ბათუმელი აქტივისტების ძალისხმევით გადარჩა. როგორ აღმოჩნდა ძაღლი ქუჩაში უცნობია. ცხოველთა მოყვარულებმა ის მანამდე შიფარეს შეაფარეს, ვიდრე მისი მომვლელი არ გამოჩნდებოდა.

მალე, უპატრონო დალმატინელით აშშ-ში მცხოვრები ოლგა ბიდიხი დაინტერესდა. მან შტატებში არსებულ დალმატინელის ჯიშის ძაღლების გადარჩენის ჯგუფს მიმართა. შესაბამისად, ძაღლის გადარჩენაში ორგანიზაციის პრეზიდენტი ფატი დანეც ჩაერთო.  თეონა ყურშუბაძე გვიყვება, რომ დალმატინელის შტატებში გასამგზავრებელი საბუთების შეგროვების პროცესს სამი თვე სჭირდებოდა, თუმცა, პანდემიის გამო დრო 8 თვემდე გაიწელა.

მას შემდეგ, რაც ქვეყანაში ფრენები განახლდა, მიუსაფარი ცხოველი, ჯერ ამსტერდამში, შემდეგ კი, შტატებში ჩაიყვანეს. აშშ-ში "ისააკს" ფატი დანე, დახვდა. მისი დახმარებთ კი, ძაღლი ფლორიდაში, ქალაქ მაიმიში, ოჯახმა აიყვანა. როგორც ფოტო ვიდეო მასალებში ჩანს, ძაღლი, ახლა უზრუნველ გარემოში ცხოვრობს.

 ისააკის მსგავსად, თავშესაფარში, კიდევ ერთი დალმატინელი მოხვდა . მასაც ახლა ტანია უვლის. როგორც აღმოჩნდა ცხოველის მიტოვების მიზეზი ისაა, რომ ის ყრუა. მომვლელის თქმით, ძაღლს ჯოხის ეშინია, რის გამოც ფიქრობენ, რომ მას ჯოხით სცემდნენ. აქტივისტების დახმარებით, გამოჩნდა ადამიანი, ვინც, მიუსაფარ ოთხფეხა მეგობარზე ზრუნვის პასუხისმგებლობას აიღებს. ხვალ, მას თბილისში ახალ პატრონთან გადაიყვანენ.

აქტივისატები გვიყვებიან, რომ ქალაქში ბევრი მიუსაფარი ძაღლია. ცხოველთა მოყვარულების თქმით, მათ შორის განსაკუთრებული ჯიშის ძაღლებიც მრავლად არიან.

Tags:

გაზიარება

54