05, მაისი 2021 17:15:00
დავით გარეჯის სამონასტრო კომპლექსის ტერიტორიაზე "მთავარი არხის" ჟურნალისტებსა და ივერი მელაშვილს თავს დაესხნენ. ისინი ამბობენ, რომ სასულიერო პირები მათ პროვოცირებას ცდილობდნენ. ტელეკომპანიის კორესპონდენტების თქმით, მღვდლებმა ფიზიკური შეურაცხყოფაც მიაყენეს. "მთავარი არხის" ინფორმაციით, გუშინ, 4 მაისს გადამღები ჯგუფი ივერი მელაშვილთან ერთად დავით გარეჯში "შაბათის მთავარისთვის" რეპორტაჟის გადასაღებად ჩავიდა. მათივე ინფორმაციით, ჟურნალისტებს თავს ჯერ ნასვამი სასულიერო პირები, შემდეგ კი მოქალაქეები დაესხნენ. საქმეზე გამოძიება, 126-ე, ძალადობის მუხლით დაიწყო.