05, მაისი 2021 17:33:00
საპენსიო აქტივების მოცულობამ მილიარდ 420 მილიონ ლარს მიაღწია. აქედან, დარიცხული სარგებელი, დაახლოებით, 149 მილიონია. ინფორმაციას საპენსიო სააგენტო ავრცელებს. მათივე ცნობით, აქტივები ქართულ კომერციულ ბანკებშია განთავსებული და 11 პროცენტიანი წლიური სარგებელი ერიცხება. დაგროვებითი პენსიით 800-მდე ადამიანმა ისარგებლა. სქემაში ჩართულთა რაოდენობა იზრდება და თვეში, საშუალოდ, 11 ათასზე მეტი ადამიანი უერთდება. ამ დროისათვის კი, დაახლოებით მილიონ 146 ათასი მონაწილეა რეგისტრირებული.