უზენაესმა სასამართლომ ბათუმის მიწის აღიარების კომისიის საჩივარი წარმოებაში არ მიიღო. სასამართლომ ძალაში დატოვა სააპელაციო და საქალაქო სასამართლოების გადაწყვეტილებები. საუბარია მოქალაქე ენვერ ირემაძის წინააღმდეგ შეტანილ სარჩელზე, რომელსაც უზენაესი სასამართლოს წერილი გუშინ ჩაბარდა. ირემაძე ითხოვდა კომისიას ინდივიდუალურად ემსჯელა მისთვის გონიოში მიწის საკუთრების უფლების დაბრუნების საკითხზე და ნებისმიერ გადაწყვეტილებაზე დასაბუთებული პასუხი მიეღო, რასაც კომისიის მხრიდან რეაგირება არ მოჰყვა. ირემაძემ კომისიის უმოქმედობა გაასაჩივრა, მოპასუხემ კი მოქალაქეს ასევე საჩივრებით უპასუხა. კომისიაში მიიჩნევენ, რომ ათობით ოჯახის საქმეზე ინდივიდუალურ გადაწყვეტილებებს ვერ გამოიტანენ და საერთო პასუხი საკმარისია. გონიოს 70 ოჯახი პარალელურად ელოდება საქმის განხილვის დაწყებას ბათუმის საქალაქო სასამრთლოში. „საერთაშორისო გამჭვირვალობა საქართველოსთან“ ერთად ისინი თხოვენ, მიწის საკუთრების უფლების აღიარების საკითხი კომისიამ ინდივიდუალურად გადაწყვიტოს.
16
s
s
s