პირველი საფეხბურთო მატჩი და დარღვეული კოვიდრეგულაციები. ბათუმის მოედანზე, დიდხნიანი ლოდინის შემდეგ გამართულ შეჯიბრზე დასწრების უფლება, გულშემატკივრებისთვის დიდი შესაძლებლობა იყო, თუმცა საფრთხე პანდემიისა. იმ ფონზე, როცა სააღდგომო პერიოდში, მოქალაქეებს, საფლავებზე გასვლის უფლებაც კი არ ჰქონდათ, ხელისუფლებამ, ეროვნული ჩემპიონატისთვის გამონაკლისი დაუშვა და 7 ათასამდე ადამიანს, არჩევანის თავისუფლება მისცა. მეტიც, მაყურებლებისთვის, სპეციალური საშვებიც კი დაუშვეს. შერჩევითი სამართლისა და უთანასწორო მიდგომების კიდევ ერთი მაგალითი ია გოლიაძის რეპორტაჟში.
ფოტოები ისტორიული მატჩიდანაა. თამაშიდან, რომელსაც ბათუმელები და არამხოლოდ ბათუმელები წლებია ელოდნენ. როგორც ჩანს, ნანატრმა დღემ ახალ საფეხბურთო მოედანზე მისულ გულშემატკივარს ვირუსის არსებობა სულ დაავიწყა: რეგულაციები უგულებელყოფილია, პირბადე არავის ახსოვს.
ეროვნული ლიგის მატჩი დინამო ბათუმსა და თბილისის დინამოს შორის 8 მაისს, ბათუმის ახალ საფეხბურთო სტადიონზე გაიმართა. პანდემიის გათვალისწინებით, თამაშზე დასწრების საშუალება მხოლოდ 7 ათას მაყურებელს მისცეს, ანუ 30 პროცენტს. ეს იმიტომ, რომ რეგულაციებით ნებადართული ასე იყო.
ეს ჯელალ ქიქავაა, ხელისუფლების ოპონენტი. საგულშემატკივროდ მისულს პირბადე არ უკეთია. ამაში პრობლემას ვერც ხედავს. ამბობს, რომ რეგულაციები პოლიტიკის ნაწილია.
დღეს, ბათუმის ქუჩებში გამოკითხულთა დიდი ნაწილი პასუხიმგებლობას ხელისუფლებას აკისრებს. მოქალაქეთა გარკვეულმა რაოდენობამ თქვა, რომ მიდგომები არასამართლიანია. ადამიანების ნაწილს უკვირს, რატომ მიეცათ მატჩზე დასწრების საშუალება გულშემატკივრებს იმ ფონზე, როცა საფლავზე მისვლის შესაძლებლობა წაერთვათ. აღმოჩნდნენ ისეთებიც, რომლებმაც საპირისპირობას მტკიცება დაიწყეს.
იფიქრა თუ არა სტადიონის ხელმძღვანელობამ იმაზე, რომ ემოციების კონტროლი გაჭირდებოდა? საფეხბურთო სტადიონის დირექტორმა ჩვენს სატელეფონო ზარებს არ უპასუხა.
საფეხბურთო მატჩზე მისულებმა რომ რეგულაციები ვერ დაიცვეს, იციან ხელისუფლებაში. დავით ბაციკაძე ადგილობრივ სპორტულ გუნდს აქტიურად გულშემატკივრობდა. თამაშს თავადაც დაესწრო, ყველაფერი საკუთარი თვალით ნახა, თუმცა პასუხისმგებლობას „ქართული ოცნების“ დეპუტატი მაყურებელს აკისრებს. ამბობს, რომ გულშემატკივარმა ვერ გაიაზრა, რა სარგებელი მიეცა მატჩზე დასწრების საშუალებით. კითხვაზე, ხომარ არის კანონი შერჩევითი ან რამდენად სამართლიანია რეგულაციების არათანაბრად გამოყენება, ბაციკაძე ასე გვპასუხობს:
ოპოზიციაში პროცესებს ხელისუფლების არათანმიმდევრულობით ხსნიან. „ერთიან ნაციონალურ მოძრაობაში“ ამტკიცებენ, რომ პრობლემა არასწორი პოლიტიკაა.
ბათუმის დინამოსა და თბილისის დინამოს შეხვედრა ახალ სტადიონზე პირველი მატჩი იყო, რომელსაც გულშემატკივრები ესწრებოდნენ. გუნდები ერთმანეთს ეროვნული ლიგის მე-12 ტურში შეხვდნენ. „დინამო“ ბათუმმა თბილისის „დინამოს“ 1:0 სძლია.