მოსახლეობა შეშას ტყეში ვეღარ მოჭრის. ახალი წესი ძალაში 2023 წლიდან შედის. კანონის ამოქმედების შემდეგ „ტყის რესურსების რეალიზაცია როგორც აუქციონის წესით ისე პირდაპირი მიყიდვის გზით მოხდება. „საშეშე და სამასალე მერქანის“ დამზადება კი ტყის მართვის ორგანოებს დაევალება. შეუწყობს თუ არა ხელს სიახლე ტყის ეფექტურად მართვას?
დალი ხოზრევანიძე მარტოხელა ქალია. გვიყვება, რომ წლებია შეშის გამათბობლით თბება. ბუნებრივი აირი სახლში არ აქვს და არც სათანადო სახსრები, რომ გაზის გადასახადი დაფაროს. ამბობს, რომ ოჯახში კაცი არავინაა შესაბამისად, ყოველწელს ახლობლების დახმარებით ტყეში მიდის და ზამთრისთვის შეშას იმარაგებს.
საქართველოს მთავრობამ, გუშინ, ახალი „ტყითსარგებლობის წესი“ მიიღო. გადაწყვეტილების მიხედვით, მოსახლეობა ტყეში შეშას ვეღარ მოჭრის და პროცესში სპეციალისტების ჩართულობა იქნება აუცილებელი. საშეშე და სამასალე მერქანის დამზადებას, მხოლოდ, ტყის მართვის ორგანოები უზრუნველყოფენ. დადგენილება 2023 წლიდან ამოქმედდება. ახალი რეგულაცია პროტესტს იწვევს მოქალაქეებში.
აჭარის სატყეო სააგენტოში ამბობენ, რომ ვიდრე კანონი ძალაში შევა, მოსახლეობას შეუძლია, ისევე, დაამზადოს ან შეიძინოს შეშა, როგორც აქამდე ხდებოდა. თუმცა, ე. წ. „საქმიანი ეზოს“ სერვისით სარგებლობა, რომელიც მზა მასალას მიაწოდებს მომხმარებლებს, 2023 წლამდეცაა შესაძლებელი. სააგენტოში ამბობენ, რომ ახალი კანონი, ტყის უკანონო და არამიზნობრივი ჩეხვის პრევენციას შეუწყობს ხელს. რევაზ ვასაძის განმარტებით, ხშირად მოქალაქეები ხე-ტყის ჭრის წესების დარღვევისთვის ჯარიმდებოდნენ, ახალი კანონით კი, სანქციებს მომხმარებლებიც აირიდებენ.
ყოფილი აჭარის სოფლის მეურნეობის მინისტრი და ამჟამად, უმაღლესი საბჭოს დეპუტატი, გადაწყვეტილებას დადებითად აფასებს. ტიტე აროშიძის განმარტებით, ცვლილება ტყის გონივრულად ათვისებას შეუწყობს ხელს.. ამტკიცებს, რომ მომხმარებლებს სერვისი, ასე, უფრო გაუიაფდებათ.
ტყითსარგებლობის წესი საქართველოს გარემოს დაცვისა და სოფლის მეურნეობის სამინისტრომ, გუშინ, მიიღო. კანონი ძალაში 2023 წლიდან შევა.
8
s
s
s