ქურდობა, დაჭრა, მკვლელობის მცდელობა, ქუჩური გარჩევები, მიუხედავად იმისა, ოფიციალური სტატისტიკებიც კი მოწმობენ, რომ ქვეყანაში დანაშაულის რიცხვი გაზრდილია, მმართველი გუნდი აჭარაში ამას არ აღიარებს. დეპუტატებს მოსწონთ შინაგან საქმეთა სამინსიტროს დანაშაულის წინააღმდეგ ბრძოლის პოლიტიკაც, არადა უამრავი ფაქტის მოყვანა შეიძლება, როცა პოლიციამ დამნაშავეს ვერც პოსტ ფაქტუმ მიაგნო, თუმცა ხშირად, პრობლემაზე ხმამაღლა საუბარს ადამიანებიც ერიდებიან.
სიტყვა ქურდობაზე, ყაჩაღობასა და კრიმინალზე აჭარის მასშტაბით არაერთი სატელევიზიო მასალა იძებნება. ის რასაც მედია აშუქებს, დაფიქსირებული ფაქტების მცირე ნაწილია. შემთხვევები ჩვენს არქივშიც მრავლადაა.
ერთ-ერთი ბოლო ასეთი ფაქტი ჯავახიშვილის ქუჩაზე მომხდარი შემთხვევაა. ბოროტმოქმედმა სუპერმარკეტში კარის დაზიანების შედეგად შეაღწია. დაახლოებით ერთი თვის წინ კი წმინდა ნიკოლოზის ტაძრის გაქურვა სცადეს. დამნაშავეებმა, სარკმლის მინა ჩაამტვრიეს. ეს კი ბოლო 2 წლის არქივია.
სავალუტო ჯიხურებისა და ჩასარიცხი აპარატების გაქურდვა, სხვადასხვა სავაჭრო ქსელების გაძარცვა, ობიეტებიდან თანხის გატაცება- კრიმინოგენული მდგომარეობა რომ დამძიმებულია, ამას ყველა გრძნობს, თუმცა საუბარი უჭირთ. ამ მხრივ სხვა რომ არაფერი, ბოლო ერთი წლის განმავლობაში, ბანკებში შეღწევის ფაქტების გახსენებაც საკმარისია.
ეს კი გუშინ, მომხდარი ამბავია. ახალგაზრდები პოლიციელებს მუქარაში, ძალადობასა და თავისუფლების უკანონო აღკვეთაში ადანაშაულებენ. ფაქტს გამოხმაურება მოჰყვა მოქალაქეების მხრიდან. ჟურნალისტმა ნინო ხოზრევანიძემ, სოციალურ ქსელში მსგავსი შინაარსის სტატუსი გამოაქვეყნა:
ეს სწორედ ის სალონია, რომელზეც ნინო ხოზრევანიძე ფეისბუქ სტატუსში მოიხსნებიებს. ადგილზე ფაქტი დაგვიდასტურეს, თუმცა დეტალებზე საუბარი არ ისურვეს.
ბათუმში, ფიროსმანისა და მიმდებარე ქუჩებზე მცხოვრებლები კი დუმილს ამჯობინებენ. ქურდობისა და ძარცვის ფაქტებზე არაფერს ამბობენ. დღის განმავლობაში დაახლოებით 100-მდე მოქალაქე გავაჩერეთ, თუმცა უმეტესობამ ხმამაღლა, კამერების წინ საუბარზე უარი თქვა.
ძალიან ცოტა აღმოჩნდა ისეთი, ვინც პრობლემაზე საუბარს არ გაექცა და თქვა, რომ კრიმინალი ყოველ ფეხის ნაბიჯზე შესამჩნევია.
კრიმინალი რომ გაზრდილია, ამას შინაგან საქმეთა სამინისტროს სტატისტიკაც მოწმობს. გომელაურის უწყების ოფიციალურ ვებ-გვერდზე გამოქვეყნებული მონაცემები წლების მიხედვით შევადარეთ. თუ კი 2017 წელს ქვეყნის მასშტაბით 2 ათას 775 ფაქტი დაფიქსირდა, 2018 წელს რიცხვი მკვეთრად გაიზარდა და 4 ათას 596 შეადგინა. რაც შეეხება 2019 წელს: ციფრი 5 ათას 909. ხოლო 2020 წელს 5 ათას 114. ოპოზიციაში მიაჩნიათ, რომ მდგომარეობის დამძიმებას შერჩევითი სამართალი იწვევს.
„ქართული ოცნების“ ხელისუფლება კრიმინალს ქვეყნის ერთ-ერთ მთავარ გამოწვევად მიიჩნევს. აჭარის ერთპარტიული უმაღლესი საბჭოს დეპუტატს მიაჩნია, რომ შინაგან საქმეთა სამინისტრო საკითხის გადასაჭრელად მაქსიმუმს აკეთებს.
ქვეყნის მასშტაბით დამძიმებული მდგომარეობა ახალგაზრდებში კრიმინალის თავლსაზრისითაც. ოფიციალური მონაცემებით, 2019 წელს, დევნა 14-დან 19 წლამდე 933 პირზე დაიწყო. 2018 წელთან შედარებით რიცხვი 46-ითაა გაზრდილი. საქსტატის მონაცემებით, თბილისის შემდეგ მეორე ადგილს აჭარა იკავებს.
2
s
s
s