18, მაისი 2021 17:11:00
ბოლო ზარის ღონისძიების ორგანიზება, მხოლოდ მე-12 კლასის მოსწავლეებისა და პედაგოგების მონაწილეობით, სკოლის ტერიტორიაზე, უცხო პირთა დასწრების გარეშეა შესაძლებელი. რეკომენდაციებს განათლების სამინისტრო ავრცელებს. უწყების ინფორმაციით, სასურველია, მოსწავლეებთან გამოსამშვიდობებელი ღონისძიება ღია სივრცეში გაიმართოს. გარდა ამისა, ეპიდემიოლოგიური მდგომარეობის გათვალისწინებით, საკოორდინაციო საბჭომ ექსკურსიებისა და საზეიმო წვეულებების გამართვა მიზანშეწონილად არ მიიჩნია.